தொடங்கியது வாக்கு எண்ணிக்கை - ஒடிசாவில் ஆட்சியை பிடிக்க போவது யார்?
odisa assembly election results 2024
இந்தியா முழுவதும் நாடாளுமன்றத் தேர்தல் நடைபெற்று முடிந்தது. அப்போது ஒரு சில மாநிலங்களில் நாடாளுமன்ற தேர்தலுடன் சட்டசபைத் தேர்தலும் நடைபெற்றது. அந்த வகையில், ஒடிசா மாநிலத்தில் நாடாளுமன்ற தேர்தலுடன், ஒடிசா சட்டசபைக்கும் தேர்தல் நடைபெற்று முடிந்தது.
இந்த சட்டசபை தேர்தலில் நவீன் பட்நாயக் தலைமையிலான பிஜூ ஜனதா தளம் 147 தொகுதிகளிலும், பாஜக 147 தொகுதிகளிலும், காங்கிரஸ் கட்சி 145 இடங்களிலும் போட்டியிட்டன. இந்த தேர்தலில் பதிவான வாக்குகள் இன்று காலை 8 மணி முதல் எண்ணப்படுகின்றன.
ஒடிசாவில் அசைக்க முடியாத சக்தியாக உள்ள பிஜு ஜனத தளம் கட்சி, நடந்து முடிந்துள்ள சட்டமன்ற தேர்தலிலும் வெற்றி பெற்று தொடர்ந்து 6வது முறையாக ஆட்சியைப் பிடிக்க தீவிரம் காட்டுகிறது.
மறுபக்கம், பாஜக இந்த முறை ஒடிசாவை பிடித்துவிட தீவிர முயற்சி எடுத்துள்ளது. ஒடிசா மாநிலத்தில் பிஜு ஜனதா தளம் ஆட்சி தொடருமா? அல்லது பாஜகவோ, காங்கிரஸ் கட்சியோ ஒடிசாவில் ஆட்சியைப் பிடிக்குமா? என்பது சற்று நேரத்தில் தெரிந்துவிடும்.
English Summary
odisa assembly election results 2024