முன்னாள் முதலமைச்சர் ஓ பன்னீர்செல்வத்தின் மீதான சொத்து குறிப்பு வழக்கை திரும்ப பெற அனுமதித்த உத்தரவு ரத்து செய்யப்பட்டுள்ளது.

தாமாக முன்வந்து விசாரணைக்கு எடுத்த இந்த வழக்கில், சென்னை உயர்நீதிமன்றம் இந்த உத்தரவை பிறப்பித்துள்ளது.

மேலும், சொத்து குவிப்பு வழக்கு ஆவணங்களை மதுரை எம்.பி - எம்.எல்.ஏ,க்கள் வழக்குகளை விசாரணை செய்யும் சிறப்பு நீதிமன்றத்திற்கு 4 வாரங்களில் மாற்றவும் சென்னை உயர்நீதிமன்றம் உத்தரவு பிறப்பித்துள்ளது.

இந்த சொத்துக்கு வழக்கை இழுக்கடைக்க முயன்றதால், ஜாமினை மதுரை சிறப்பு நீதிமன்றம் ரத்து செய்யலாம் என்றும் சென்னை உயர் நீதிமன்றம் அந்த உத்தரவில் தெரிவித்துள்ளது.

முன்னாள் முதலமைச்சர் ஓ பன்னீர்செல்வத்தின் மீதான சொத்துக்குவிப்பு வழக்கு விசாரணையை நாள்தோறும் விசாரணை நடத்தி, வருகின்ற 2025 ஆம் ஆண்டு, ஜூன் மாதத்திற்குள் முடிக்க வேண்டும் என்று மதுரை சிறப்பு நீதிமன்றத்திற்கு சென்னை உயர்நீதிமன்றம் உத்தரவு பிறப்பித்துள்ளது.

ஓ பன்னீர்செல்வத்தின் மீதான சொத்து வழக்கை பொறுத்தவரை, வருமானத்திற்கு அதிகமாக ஒரு கோடியே 77 லட்சம் குவித்ததாக, ஓ பன்னீர்செல்வம் மற்றும் சிலரின் மீது வழக்கு பதிவு செய்யப்பட்டிருந்தது.

இந்த வழக்கை திரும்ப பெற அனுமதித்ததை எதிர்த்து தாமாக முன்வந்து சென்னை உயர்நீதிமன்ற நீதிபதி ஆனந்த் வெங்கடேஷ் விசாரணை நடத்திய நிலையில், தற்போது இந்த உத்தரவு பிறப்பிக்கப்பட்டுள்ளது.