சர்ச்சை பேச்சு!!! அரசியல் நாடகங்களைக் கண்டு மக்கள் மயங்குவார்களா? - சீமானுக்கு சேகர் பாபு அதிரடி
people fascinated political dramas Shekhar Babu against Seeman
அமைச்சர் பி.கே.சேகர்பாபு,சென்னையிலுள்ள பாரம்பரிய விக்டோரியா அரங்கத்தை ஆய்வு செய்தார். அப்போது அவரிடம் செய்தியாளர்கள், விழுப்புரம் திரவுபதி அம்மன் கோவிலில் பொதுமக்களுக்கு அனுமதி கொடுக்கவில்லை என்றால் ஆலய போராட்டம் நடத்துவோம் என சீமான் தெரிவித்துள்ளாரே என்று கேள்வி எழுப்பினர்.

அதற்கு அவர் பதிலளித்து கூறியதாவது,"திரவுபதி அம்மன் கோவிலை வைத்து சிலர் அரசியல் செய்யலாம் என நினைத்து கொண்டிருக்கிறார்கள். அந்த கோவிலில் தினசரி பூஜை நடப்பதற்கான அனைத்து முயற்சிகளையும் மேற்கொண்டு வருகிறோம்.
இன்னும் ஒரு வாரத்தில் திரவுபதி அம்மன் கோவில் திறக்கப்பட உள்ளது. கனிந்த மரத்திற்கு அடியில் நின்று பழம் விழுந்தால் தன்னால்தான் விழுந்தது என்று சொல்வார்கள்.
இந்த ஆட்சி ஒரு செயலை முன்னெடுத்து அதை செய்வதற்கு காலம் கனிந்து வருகின்றபோது அதற்கு ஒரு போராட்டத்தை அறிவித்து அரசியல் நாடகம் செய்கிறார்கள்.
இதுபோன்ற அறிவிப்புகளை கண்டு மக்கள் மயங்க மாட்டார்கள். வெகு விரைவில் திரவுபதி அம்மன் கோவில் மக்கள் தரிசனத்திற்கு ஒப்படைக்கப்படும்" எனத் தெரிவித்துள்ளார்.
English Summary
people fascinated political dramas Shekhar Babu against Seeman