நபிகள் நாயகம் குறித்து கருத்து தெரிவித்ததாக பல மாநிலங்களில் தன் மீது பதிவு செய்யப்பட்ட அனைத்து எஃப்ஐஆர்களையும் விசாரணைக்காக டெல்லிக்கு மாற்றக் கோரி இடைநீக்கம் செய்யப்பட்ட பாஜக தலைவர் நுபுர் ஷர்மா தொடர்ந்த மனுவை உச்சநீதிமன்றம் விசாரித்து வருகிறது.

இந்த வழக்கு இன்று விசாரணைக்கு வந்தபோது, நுபுர் ஷர்மா தேசத்தின் பாதுகாப்புக்கு அச்சுறுத்தல் விடுத்துள்ளார் என்று உச்ச நீதிமன்றம் தெரிவித்தது.

நூபுர் ஷர்மாவை கண்டித்த உச்சநீதிமன்றம், நூபுர் ஷர்மா முழு நாட்டிடமும் மன்னிப்பு கேட்க வேண்டும் என்று கூறியுள்ளது. நூபுர் ஷர்மாவும், அவரின் தளர்ந்த நாக்கும் ஒட்டுமொத்த நாட்டையே தீயில் ஆழ்த்திவிட்டதாக உச்ச நீதிமன்றம் கருத்து தெரிவித்துள்ளது. 

உதய்பூரில் தையல்காரர் கொல்லப்பட்ட துரதிர்ஷ்டவசமான சம்பவத்திற்கு அவரது கோபமே காரணம் என்று உச்ச நீதிமன்றம் தெரிவித்துள்ளது.

ஒரு நிகழ்ச்சி நிரலை விளம்பரப்படுத்துவதைத் தவிர, துணை நீதித்துறையான விஷயத்தைப் பற்றி விவாதிப்பதில் தொலைக்காட்சி சேனலுக்கும், நுபுர் ஷர்மாவுக்கும் என்ன வேலை? என்றும் கேள்வி எழுப்பியுள்ளது.

அப்போது, நூபுர் ஷர்மா சார்பில் ஆஜரான மூத்த வழக்கறிஞர் மணீந்தர் சிங், அவர் கருத்துக்கு மன்னிப்புக் கேட்டு, கருத்துகளைத் திரும்பப் பெற்றதாக உச்ச நீதிமன்றத்தில் தெரிவித்தார்.

அதற்க்கு உச்சநீதிமன்றம், அவர் தொலைக்காட்சிக்கு சென்று நாட்டு மக்களிடம் மன்னிப்பு கேட்டிருக்க வேண்டும் என்று தெரிவித்துள்ளது. மேலும் ஏன் இதுவரை அவரை கைது செய்யவில்லை என்றும் கேள்வி எழுப்பியுள்ளது.