தமிழகத்தில் மட்டும் தான் நடிகர்கள் அரசியலுக்கு வருவது சாபக்கேடாக உள்ளது என்று விசிக திருமாவளவன் தனது மனக்குமுறலை வெளிப்படுத்தியுள்ளார்.

சினிமாவில் கிடைத்த புகழ் மூலம் மக்களை 'ஹைஜெக்' செய்து முதல்வர் ஆகிவிடலாம் என்று நடிகர்கள் நினைக்கின்றனர். மக்களுக்கு பணியாற்றி சிறைக்கு சென்றோர் உள்ளிட்டோரை ஓரம் கட்டி மக்களை ஹைஜெக் நடிகர்கள் முயற்சி செய்கின்றனர் என்று ம் திருமாவளவன் தெரிவித்துள்ளார்.

நடிகர் விஜய் விரைவில் அரசியலுக்கு வருவார் என்று பரபரப்பாக பேசப்படும் நிலையில், அண்மையில் தமிழக முழுவதும் 234 தொகுதிகளில் 10,12 வகுப்புகளில் முதல் மூன்று மதிப்பெண் பெற்ற மாணவர்களுக்கு நடிகர் விஜய் பாராட்டு சான்று வழங்கி, மேல் படிப்புக்கான நிதியுதவியும் செய்தார்.

இந்த நிகழ்ச்சியில் பேசிய நடிகர் விஜய், அம்பேத்கார், காமராஜ், பெரியாரை படிக்க வேண்டும், ஓட்டுக்கு பணமா வாங்க கூடாது போன்ற கருத்துக்களையும் தெரிவித்தார்.

இந்நிலையில், நடிகர் விஜயின் கருத்தை வரவேற்று திருமாவளவன் பேட்டியளியுள்ளதார். மேலும், மக்களுக்கு தொண்டு செய்ய கருத்தியல் சார்ந்து களப்பணி ஆற்ற நடிகர் விஜய் அரசியலுக்கு வந்தால் வரவேற்போம் என்றும் தெரிவித்துள்ளார்.

மம்முட்டி, அமிதாப்பச்சன் போன்ற நடிகர்கள் அரசியலுக்கு வராமல் அவர்கள் வேலையை பார்க்கின்றனர். சினிமாவில் கிடைத்த புகழ் மூலம் மக்களை ஹைஜெக் விடலாம் என்ற எண்ணம் தமிழகத்தில் தான் உள்ளது என்றும் திருமாவளவன் தனது மனக்குமுறலை வெளிப்படுத்தியுள்ளார்.