தமிழக பாஜக மீது அதிருப்தி: அடுத்து என்ன? கூடுகிறது உயர்மட்ட குழு!
TN BJP meet announce
வருகின்ற 11ஆம் தேதி சென்னையில் உள்ள பாஜகவின் தலைமை அலுவலகமான கமலாலயத்தில் அக்கட்சியின் உயர்மட்ட குழு ஆலோசனை கூட்டம் நடக்க உள்ளதாக அறிவிக்கப்பட்டுள்ளது.
நாடு முழுவதும் பாஜக உறுப்பினர் சேர்க்கை விறுவிறுப்பாக நடந்து வரும் நிலையில், தமிழகத்தில் உறுப்பினர்களை சேர்க்க பாஜக மும்முரமாக செயல்பட்டு வருகிறது.
தமிழகத்தில் ஒரு கோடி பாஜக உறுப்பினர்களை சேர்க்க வேண்டும் என்று, தமிழக பாஜகவினருக்கு பாஜகவின் தேசிய தலைமை அறிவுறுத்தியதாக சொல்லப்பட்டது.
ஆனால், தற்போது வரை வெறும் 10 லட்சம் பேர் மட்டுமே பாஜகவில் உறுப்பினர்களாக சேர்க்கப்பட்டுள்ளதாக ஒரு தகவல் வெளியாகி இருந்தது.
இந்த உறுப்பினர் சேர்க்கை விவகாரத்தில் பாஜகவின் தேசிய தலைமை, தமிழ்நாடு பாஜக தலைவர்கள் மீது அதிருப்தியில் உள்ளதாகவும், இதன் காரணமாக தற்போது உயர்மட்ட குழு கூட்டம் நடக்க உள்ளதாகவும் தகவல்கள் வெளியாகி உள்ளன.