தமிழகத்தில் 21 மாநகராட்சிகள், 138 நகராட்சிகள் மற்றும் 489 பேரூராட்சிகளுக்கு கடந்த 19ம் தேதி வாக்குப்பதிவு நடைபெற்றது. இதில் பதிவான வாக்குகள் தமிழகம் முழுவதும் 268 மையங்களில் இன்று எண்ணப்பட்டு முடிவுகள் அறிவிக்கப்பட்டு வருகின்றன.

காலை 10 மணி நிலவரப்படி, மொத்தமாக 21 மாநகராட்சிகளில், திமுக 19 இடங்களிலும், அதிமுக ஒரு இடத்திலும் முன்னிலை பெற்றுள்ளது. இதேபோல், 138 நகராட்சிகளில் 74 இடங்களில் திமுக முன்னிலை பெற்றுள்ளது, அதிமுக நான்கு இடங்களில் முன்னிலை பெற்றுள்ளது. பேரூராட்சிகளில் திமுக 29 இடங்களிலும், அதிமுக 17 இடங்களிலும் முன்னிலை பெற்றுள்ளது.

இந்நிலையில், மதியம் இரண்டு மணி நிலவரப்படி, மொத்தம் இருபத்தியோரு மாநகராட்சிகளிலும்  திராவிட முன்னேற்ற கழகம் முன்னிலை பெற்றுள்ளது. மற்ற கட்சிகள் ஒரு இடத்தில் கூட வரவில்லை.

நகராட்சியை பொருத்தவரை மொத்தமுள்ள 138 இடங்களில். திமுக 129 இடங்களில் முன்னிலை பெற்றுள்ளது. அதிமுக ஐந்து இடங்களிலும், சுயேட்சைகள் நான்கு இடங்களிலும் முன்னிலை பெற்றுள்ளன.

பேரூராட்சியை பொருத்தவரை மொத்தமுள்ள 489 இடங்களில், திமுக 367 இடங்களில் முன்னிலை பெற்றுள்ளது. அதிமுக 25 இடங்களிலும், பாரதிய ஜனதா கட்சி மூன்று இடங்களிலும், பாட்டாளி மக்கள் கட்சி மூன்று இடங்களிலும், அம்மா மக்கள் முன்னேற்ற கழகம் ஒரு இடத்திலும், சுயேச்சைகள் 35 இடத்திலும் முன்னிலை பெற்றுள்ளன.