த.வெ.க மாநாடு!...சேலத்தில் தொடங்கியது அரசியல் பயிலரங்கம்!

தமிழக வெற்றி கழக முதல் மாநாடு விக்கிரவாண்டி வி.சாலையில் வரும் 27-ம் தேதி பிரம்மாண்டமாக நடைபெற உள்ளது, இதனை முன்னிட்டு கடந்த 4-ம் தேதி பந்தல்கால் நடும் விழா நடைபெற்றது.

இந்த நிலையில், மாநாட்டுக் குழுக்கள் மற்றும் தற்காலிகத் தொகுதிப் பொறுப்பாளர்களுக்கு அரசியல் பயிலரங்கம் மற்றும் மாநாட்டுப் பணிகளுக்கானக் குழுக்களின் நெறிமுறைகள் குறித்த கலந்தாய்வு. சேலம் மாவட்டம், ஆத்தூரில் உள்ள அம்மம்பாளையம் கொங்கு திருமண மாளிகையில், இன்று காலை 9.00 மணி முதல் தொடங்கி நடைபெற்று வருகிறது. தமிழக வெற்றி கழக பொதுச்செயலாளர் புஸ்ஸி ஆனந்த் தலைமையில் நடைபெறும் இந்த மாநாடு, மாலை 5.00 மணி வரை நடைபெற உள்ளது.

இப்பயிலரங்கில் அரசியல் திறனாய்வாளர்கள் கலந்துகொண்டு கீழ்க்கண்ட தலைப்புகளில் கருத்துரை வழங்க உள்ளனர்.
பொருள்:
1.இதுவரை தமிழகத்தில் நடந்த மாநாடுகள் குறித்த பார்வை
2.கொள்கைகள் மற்றும் கருத்தியலை அணுகும் முறை
3.சமூகப் பொறுப்புணர்வு, கடமை, கண்ணியம், கட்டுப்பாட்டுடன் மாநாட்டைச் சிறப்பிப்பது 4.வெற்றிக் கொள்கைத் திருவிழா - விளக்கவுரை
5.மாநாட்டுக் குழுக்களுக்கான கலந்தாய்வு உள்ளிட்டவை குறித்து விவாதிக்கப்பட உள்ளதாக தகவல் வெளியாகியுள்ளது.