குடியரசு துணைத் தலைவா் தோ்தல் : பாஜக வேட்பாளருக்கு ஆந்திர முதலமைச்சர் ஜெகன் மோகன் ரெட்டி ஆதரவு.!

பாஜகவின் தேசிய ஜனநாயகக் கூட்டணியின் குடியரசு துணைத் தலைவர் வேட்பாளராக ஜகதீப் தன்கருக்கு ஆந்திர பிரதேச முதலமைச்சர் ஜெகன் மோகன் ரெட்டி ஆதரவு தெரிவித்துள்ளார்.

குடியரசுத் தலைவர் தேர்தலை தொடர்ந்து, குடியரசுத் துணை தலைவர் தேர்தலில் ஆளும் தேசிய ஜனநாயகக் கூட்டணியின் சார்பில் போட்டியிட உள்ள வேட்பாளரை பாஜக தலைவர் ஜே.பி.நட்டா நேற்று அறிவித்தார்.

அதன்படி, மேற்குவங்க ஆளுநர் ஜகதீப் தன்கர் பாஜகவின் வேட்பாளராக அறிவிக்கப்பட்டுள்ளார். இவருக்கு பாஜகவின் கூட்டணி கட்சிகள் ஆதரவு தெரிவித்து வருகின்றனர்.

இந்த நிலையில், ஆந்திர முதல்வா் ஜெகன்மோகன் ரெட்டி தலைமையிலான ஒய்எஸ்ஆா் காங்கிரஸ் கட்சி, பாஜகவின் தேசிய ஜனநாயகக் கூட்டணியின் குடியரசு துணைத் தலைவர் வேட்பாளர் ஜகதீப் தன்கரை ஆதரிக்க முடிவு செய்துள்ளது.