2022 ஆங்கில வருட ராசிபலன்கள்:

எதற்கும் கலங்காத நெஞ்சமும்... எதிர்ப்புகளைக் கண்டு அஞ்சாத குணமும் கொண்ட கடக ராசி அன்பர்களே.!

2022ஆம் வருடமானது கடக ராசி அன்பர்களுக்கு புதுவிதமான அனுபவங்களை உருவாக்கக்கூடிய காலக்கட்டங்களாக அமையும். சாதுர்யமான பேச்சுக்களின் மூலம் இழுபறியான தனவரவுகளை பெறுவீர்கள். உறவினர்கள் வழியில் எதிர்பார்த்திருந்த சில ஒத்துழைப்புகளின் மூலம் மனதிற்கு மகிழ்ச்சி ஏற்படும்.

பொருளாதாரம் :

தனவரவுகளில் ஏற்ற, இறக்கங்கள் இருந்தாலும் தேவைக்கேற்றபடி பண வரவுகள் அமையும். கடன் சார்ந்த பிரச்சனைகள் குறைவதற்கான வாய்ப்புகள் ஏற்படும். நெருக்கமானவர்களிடம் விவேகத்தை கையாளுவது நல்லது. புதிய வீடு மற்றும் மனை வாங்குவது தொடர்பான எண்ணங்கள் கைகூடும்.

பெண்களுக்கு :

பெண்கள் சில முக்கிய முடிவுகளை எடுக்கும் பொழுது பெரியோர்களின் கருத்துக்களுக்கு முக்கியத்துவம் கொடுப்பது உங்களின் மீதான நன்மதிப்பை மேம்படுத்தும். தேவையற்ற விவாதங்களை தவிர்க்கவும். புதிய நபர்களின் அறிமுகங்கள் புதிய மாற்றத்தையும், முன்னேற்றத்தையும் ஏற்படுத்தும்.

மாணவர்களுக்கு :

மாணவர்களுக்கு கல்வி சார்ந்த பணிகளில் புதுவிதமான ஆர்வமும், எண்ணங்களும் உண்டாகும். உயர்கல்வி சார்ந்த ஆலோசனைகள் நல்ல ஒரு மாற்றத்தை ஏற்படுத்தும். கவிதை, கட்டுரை தொடர்பான போட்டிகளில் பங்கு பெற்று பரிசுகளையும், பாராட்டுகளையும் பெறுவீர்கள்.

உத்தியோகஸ்தர்களுக்கு :

பணிபுரியும் இடத்தில் உயரதிகாரிகளிடம் சற்று பொறுமையை கையாளுவது நல்லது. மற்றவர்களின் பணிகளையும் சேர்த்து பார்க்க வேண்டிய சூழ்நிலைகளும் ஏற்படலாம். நீண்ட நேரம் கண்விழிப்பதை தவிர்ப்பது உத்தியோக பணிகளில் ஏற்படும் சோர்வினை குறைக்கும்.

வியாபாரிகளுக்கு :

வியாபார பணிகளில் சிறு சிறு தடைகளுக்குப் பின்பே சாதகமான வாய்ப்புகள் உண்டாகும். பிறமொழி பேசும் மக்களின் அறிமுகங்கள் மூலம் முன்னேற்றமான வாய்ப்புகள் ஏற்படும். வேலையாட்களின் ஒத்துழைப்பு மனதிற்கு திருப்தியை ஏற்படுத்தும்.

அரசியல்வாதிகளுக்கு :

அரசியல் சார்ந்த துறைகளில் இருப்பவர்கள் மற்றவர்கள் பற்றிய கருத்துக்களை கூறும்போது தகுந்த கோப்புகளை கையாளுவது நல்லது. கொடுத்த வாக்குறுதிகளை நிறைவேற்றி வைப்பதற்கான தருணங்கள் உண்டாகும்.

கலைஞர்களுக்கு :

கலை சார்ந்த துறைகளில் இருப்பவர்களுக்கு புதுவிதமான சிந்தனைகளும், அதற்கான வாய்ப்புகளும் கிடைக்கும். உடல் தோற்றத்தில் மாற்றங்கள் காணப்படும். ஆன்மிகம் தொடர்பான பணிகளில் முன்னேற்றம் ஏற்படும்.

நன்மைகள் :

உறவினர்களின் ஒத்துழைப்பும், நண்பர்களின் ஆதரவும், தொழில் சார்ந்த துறைகளில் புதிய இலக்குகளை அமைத்து முன்னேறுவதற்கான வாய்ப்புகளை உருவாக்கக்கூடிய காலக்கட்டமாக கடக ராசி அன்பர்களுக்கு இந்த புத்தாண்டு அமையும்.

கவனம் :

வாழ்க்கைத்துணைவரிடத்தில் அனுசரித்தும், பணிபுரியும் இடத்திலும் மற்றும் சக ஊழியர்களிடத்திலும் பொறுமையை கையாளுவது நல்லது.

வழிபாடு :

செவ்வாய்க்கிழமைதோறும் வராகி அம்மனை வழிபாடு செய்துவர எண்ணங்களில் தெளிவும், புரிதலும் உண்டாகும்.