விராட் கோலியால் மாட்டும் தான் அப்படி ஒரு இன்னிங்ஸை விளையாட முடியும் என்று, ஆஸ்திரேலியாவின் மெல்போர்ன் நகரில்​ 2022ஆம் ஆண்டு நடந்த ஆட்டத்தை குறிப்பிட்டு பாகிஸ்தான் வீரர் ஷாஹீன் ஷா அப்ரிடி பாராட்டி பேசியுள்ளார். 

கடந்த 2022 ஆம் ஆண்டு ஆஸ்திரேலியாவின் மெல்போர்ன் நகரில் நடைபெற்ற இந்தியாவுக்கு எதிரான டி20 ஆட்டத்தில் பாகிஸ்தான் அணி 159 ரன்கள் எடுத்திருந்தது.

இதனையடுத்து 160 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணியின் தொடக்க ஆட்டக்காரர் ரோஹித் சர்மா உள்ளிட்ட வீரர்கள் 4 வீரர்களின் விக்கெட்டை பாகிஸ்தான் அணி எடுத்து.

இந்திய அணி 31/4 என்று தடுமாறிக்கொண்டு இருந்த போது, ஹர்திக் பாண்டியாவுடன் கைகோர்த்த  விராட் கோலி சளைக்காமல் ஆடி அணியை வெற்றிபெற வைத்தார்.

குறிப்பாக 19வது ஓவரில் விராட் கோலி அடித்த சிக்சர் கிரிக்கெட் ரசிகர்களை வியப்பில் தள்ளியிருக்கும். கடைசி வரை களத்தில் ஆட்டமிழக்காமல் ஆடிய விராட் 53 பந்துகளில் 6 பவுண்டரிகள், 4 சிக்ஸர், 154.72 ஸ்ட்ரைக் ரேட்டுடன் 82 ரன்கள் அடித்து அசத்தினார். 

இந்நிலையில், விராட்கோலியின் இந்த அற்புதமான இந்த இன்னிங்ஸை பாகிஸ்தான் வீரர் ஷாஹீன் ஷா அப்ரிடி புகழ்ந்து தள்ளியுள்ளார்.

அதில், விராட் கோலியால் மட்டும் தான் அப்படி ஒரு மகத்தான இன்னிங்ஸை விளையாட முடியும். 19 ஓவரில் ஹாரிஸ் ரவூஃப் வீசிய பந்தை விராட் கோலி சிக்சர் அடித்தது நம்பவே முடியாத ஒன்று. விராட் கோலியின் இந்த ஆட்டத்தை போல் என்னுடைய கேரியரில் ஒரு நல்ல நான் பார்த்ததில்லை" என்று நெகிழ்ச்சியுடன் ஷாஹீன் ஷா அப்ரிடி புகழ்ந்து தள்ளியுள்ளார்.