பாகிஸ்தானில் சாம்பியன்ஸ் டிராபி கிரிக்கெட் போட்டியில் இன்று நான்காவது லீக் ஆட்டத்தில் ஆஸ்திரேலியா மற்றும் இங்கிலாந்து பலப்பரீட்சை நடத்துகின்றன. மேலும் லாசூரில் இப்போட்டியானது மதியம் 2:30 மணிக்குத் தொடங்க உள்ளது. இதில் பேட் கம்மின்ஸ், மிக்செல் ஸ்டார்க் ,ஹேர்சல்வுட் , மிட்செல் மார்ஷ் உள்ளிட்ட முன்னணி வீரர்கள் காயம் காரணமாகப் போட்டியில் இருந்து விலகினர். இது ஆஸ்திரேலியாவுக்கு ஒரு மிகப்பெரிய பின்னடைவாகக் கருதப்படுகிறது.

ஆஸ்திரேலியா அணி:

மேலும் சமீபத்தில் இலங்கையில் விளையாடிய ஒரு நாள் போட்டி தொடரில் ஆஸ்திரேலியா தோல்வியுற்றது. இதனால் ஸ்டீவன் ஸ்மித் தலைமையிலான ஆஸ்திரேலியா அணி சாம்பியன்ஸ் டிராஃபில் முழு திறமையை வெளிப்படுத்த கடுமையாகப் போராடும் என எதிர்பார்க்கப்படுகிறது. மேலும்,கடந்த 2009 ஆம் ஆண்டுக்குப் பிறகு சாம்பியன்ஸ் டிராபியில் ஒரு போட்டியில் கூட ஆஸ்திரேலியா வெற்றிப் பெறவில்லை என்பது குறிப்பிடத்தக்கது. அதன் பிறகு 2 சாம்பியன்ஸ் டிராபித் தொடர் நடைபெற்றது .அதில் ஆஸ்திரேலியா விளையாடிய 6 போட்டிகளில் ஒன்றில் கூட அந்த அணியால் வெற்றிப் பெற முடியவில்லை. இதனால் 15 ஆண்டுகளுக்குப் பிறகு சாம்பியன்ஸ் டிராபிகள் தனது முதல் வெற்றியை ஆஸ்திரேலியா பதிவு செய்யுமா ? என்று கிரிக்கெட் ரசிகர்களால் எதிர்பார்க்கப்படுகின்றன.