இந்தியாவுக்கு சுற்றுப்பயணம் மேற்கொண்டுள்ள ஆஸ்திரேலிய அணி 4 டெஸ்ட் போட்டிகள் மற்றும் 3 ஒரு நாள் போட்டிகள் கொண்ட தொடரில் விளையாடி வருகிறது.

4 போட்டிகள் டெஸ்ட் தொடரில் முதல் 2 போட்டிகளிலும் இந்திய அணி வெற்றி பெற, 3வது போட்டியில் ஆஸ்திரேலியா அணி வெற்றி பெற்று 2-1 என்ற கணக்கில் இந்திய அணி முன்னிலையில் இருந்தது. இந்த நிலையில் 4வது டெஸ்ட் போட்டி டிராவில் முடிந்தடைந்து.

இதன் மூலம் 4 போட்டிகள் கொண்ட பார்டர் - கவாஸ்கர் டெஸ்ட் தொடரை 2-1 என்ற கணக்கில் இந்திய அணி கைப்பற்றியது. இதன் மூலம் தொடர்ந்து 4வது முறையாக இந்திய அணி பார்டர் கவாஸ்கர் கோப்பையை கைப்பற்றியது.

கடந்த 4 பார்டர்-கவாஸ்கர் கோப்பை தொடர்கள்

2016/17ம் ஆண்டில் இந்தியாவில் நடைபெற்ற தொடரில் இந்திய அணி 2-1 என்ற கணக்கில் வென்றது.

2018/19ம் ஆண்டில் ஆஸ்திரேலியாவில் நடைபெற்ற தொடரில் இந்திய அணி 2-1 என்ற கணக்கில் வென்றது.

2020/21ம் ஆண்டில் ஆஸ்திரேலியாவில் நடைபெற்ற தொடரில் இந்திய அணி 2-1 என வென்றது.

2022/23 இந்தியாவில் நடைபெற்ற தொடரில் இந்தியா அணி 2-1 என்ற கணக்கில் வென்றது.

இதுவரை நேருக்கு நேர்

பார்டர் - கவாஸ்கர் தொடரில் இதுவரை இந்தியா ஆஸ்திரேலியா அணிகள் மொத்தம் 56 போட்டிகளில் மோதியுள்ளன. இதில், 24 போட்டிகளில் இந்திய அணியும், 20 போட்டிகளில் ஆஸ்திரேலியா அணியும் வெற்றி பெற்றுள்ளது. மேலும் 12 போட்டிகள் டிராவில் முடிந்துள்ளது.