2022ல் இந்திய அணிக்காக அதிக ரன்கள் குவித்தவர்கள் பட்டியல்.. ஸ்ரேயாஸ் ஐயர் முதலிடம்.!

2022ல் இந்திய அணிக்காக அதிக ரன்கள் குவித்தவர்கள் பட்டியலில் ஸ்ரேயாஸ் ஐயர் முதலிடம் பிடித்துள்ளார்.

2022ம் ஆண்டு இந்திய அணி டி20 உலக கோப்பை, ஆசிய கோப்பை மற்றும் உள்நாட்டு மற்றும் வெளிநாடு பல்வேறு தொடர்களில் பங்கேற்று விளையாடியுள்ளது.

அந்த வகையில் 2022ம் ஆண்டில் இந்திய அணி 11 டெஸ்ட் போட்டிகள், 29 ஒருநாள் போட்டிகள் மற்றும் 22 டி20 போட்டிகள் என 62 போட்டிகளில் விளையாடியுள்ளது.

இந்த நிலையில் 2022ம் ஆண்டில் இந்திய அணிக்காக அதிக ரன்கள் குவித்தவர்கள் பட்டியலில் ஸ்ரேயாஸ் ஐயர் முதலிடம் பிடித்துள்ளார். அதன்படி, இவர் 38 இன்னிங்ஸில் 1489 ரன்கள் எடுத்துள்ளார்.