நேற்றைய போட்டியில் விளையாடியதன் மூலம் அதிகளவில் சர்வதேச இருபது ஓவர் கிரிக்கெட் போட்டிகளில் விளையாடிய வீரர் என்ற சாதனையை ரோஹித் ஷர்மா படைத்தார்.

இந்தியா இலங்கை அணிகளுக்கிடையே நேற்று மூன்றாவது இருபது ஓவர் கிரிக்கெட் போட்டி நேற்று நடைபெற்றது. இதில் இந்திய அணி 6 விக்கட் வித்தியாசத்தில் வெற்றி பெற்று தொடரை 3-0 என கைப்பற்றியது. ஏற்கனவே இரண்டு போட்டிகளிலும் இந்திய அணி அபார வெற்றி பெற்று இலங்கை அணியை ஒயிட் வாஷ் ஆக்கியது.

நேற்று இலங்கை அணிக்கு எதிரான இந்த வெற்றி இந்திய அணி தொடர்ந்து பெற்ற 12 வது வெற்றி ஆகும் இதன் மூலம் இருபது ஓவர் கிரிக்கெட் போட்டிகளில் தொடர்ந்து அதிக வெற்றி பெற்ற அணியான ஆப்கானிஸ்தான் அணியின் சாதனையை இந்திய அணி சமன் செய்தது. இன்னும் அடுத்து வரும் இருபது ஓவர் போட்டியில் இந்திய அணி வெற்றி பெற்றால் தொடர்ச்சியாக அதிக போட்டிகளில் வெற்றி பெற்ற அணி என்ற சாதனையை இந்திய அணி படைக்கும்.

நேற்றைய போட்டியில் பங்கேற்றதன் மூலம் சர்வதேச இருபது ஓவர் கிரிக்கட் போட்டிகளில் 125 ஆட்டங்களில் விளையாடிய முதல் வீரரானார் இந்திய அணி கேப்டன் ரோகித் சர்மா.

இதற்கு முன்பு பாகிஸ்தான் அணியின் சோயிப் மாலிக் 124 போட்டிகளில் விளையாடியதே சர்வதேச அளவில் சாதனையாக இருந்தது. 

ரோகித்சர்மா 125 போட்டிகளில் 3313 ரன்களும், சோயிப் மாலிக் 124 போட்டிகளில் 2345 ரன்னும் எடுத்துள்ளனர்.