டி20 உலக கோப்பை பாகிஸ்தான் அணிக்கு எதிரான முதல் அரையிறுதி போட்டியில் 153 ரன்களை இலக்காக நிர்ணயித்துள்ளது நியூசிலாந்து அணி.

ஐசிசி 8வது டி20 உலகக் கோப்பை ஆஸ்திரேலியாவில் நடைபெற்று வருகிறது. இதில், முதல் சுற்று போட்டிகள் முடிவடைந்த நிலையில், தற்போது சூப்பர் 12 சுற்று போட்டிகளும் இன்றுடன் முடிவடைந்து. அதனைத் தொடர்ந்து அரையிறுதி மற்றும் இறுதி போட்டிகள் நடைபெற உள்ளது.

இதில், குரூப்-1 பிரிவு புள்ளி பட்டியலில் முதல் 2 இடங்களை பிடித்த நியூஸிலாந்து மற்றும் இங்கிலாந்து அணிகளும், குரூப் 2 பிரிவில் புள்ளிப் பட்டியலில் முதல் 2 இடங்களை பிடித்த இந்தியா மற்றும் பாகிஸ்தான் அணிகளும் அரையிறுதிக்கு முன்னேறியுள்ளது.

இந்த நிலையில் இன்று மதியம் 1.30 மணிக்கு  சிட்னி மைதானத்தில்  நடைபெறும் முதல் அரையிறுதி போட்டியில் பாகிஸ்தான் - நியூசிலாந்து அணிகள் விளையாடி வருகிறது. இதில் டாஸ் வென்ற நியூஸிலாந்து அணியின் கேப்டன் கேன் வில்லியம்சன் பேட்டிங் தேர்வு செய்தார்.

அதன்படி முதலில் பேட்டிங் செய்ய களமிறங்கிய நியூசிலாந்து அணி ஆரம்பம் முதலே அடுத்தடுத்து விக்கெட்டுகளை இழந்து தடுமாறியது. பொறுமையாக விளையாடிய கேப்டன் வில்லியம்சன் 42 பந்துகளில் 46 ரன்கள் எடுத்தார். கடைசி நேரத்தில் அதிரடியாக விளையாடிய டேரி மிட்செல் 35 பந்துகளில் 53 ரன்கள் எடுத்தார். இதன்மூலம் நியூசிலாந்து 20 ஓவர்கள் முடிவில் 4 விக்கெட் இழப்பிற்கு 152 ரன்கள் எடுத்துள்ளது. 

பாகிஸ்தான் அணியில் சிறப்பாக பந்து வீசிய ஷாஹீன் அப்ரிடி 2 விக்கெட்களும், முகமது நவாஸ் 1 விக்கெட்டும் வீழ்த்தினர். அதனைத் தொடர்ந்து 153 ரன்கள் எடுத்தால் வெற்றி என்ற இலக்குடன் பாகிஸ்தான் அணி களமிறங்க உள்ளது.