டி20 உலக கோப்பையில் முதல் வெற்றியை பதிவு செய்த பாகிஸ்தான் அணி.!
T20 World Cup Pakistan beat Netherland
டி20 உலகக்கோப்பையில் நெதர்லாந்து அணிக்கு எதிரான போட்டியில் பாகிஸ்தான் அபார வெற்றி பெற்றுள்ளது.
ஐசிசி 8வது டி20 உலகக் கோப்பை ஆஸ்திரேலியாவில் நடைபெற்று வருகிறது. இதில், முதல் சுற்று போட்டிகள் முடிவடைந்த நிலையில், தற்போது சூப்பர் 12 சுற்று போட்டிகள் நடைபெற்று வருகிறது.
இந்த நிலையில் இன்று மதியம் 12.30 மணிக்கு பெர்த் மைதானத்தில் நடைபெற்ற போட்டியில் பாகிஸ்தான் நெதர்லாந்து அணிகள் மோதின. இதில் டாஸ் வென்ற நெதர்லாந்த அணி முதலில் பேட்டிங் தேர்வு செய்தது.
அதன்படி முதலில் பேட்டிங் செய்ய களமிறங்கிய நெதர்லாந்த அணி நிர்ணயிக்கப்பட்ட 20 ஓவர்கள் முடிவில் 9 விக்கெட் இழப்பிற்கு 91 ரன்கள் மட்டுமே எடுத்தது. பாகிஸ்தான் அணியில் சதாப் கான் சிறப்பாக பந்து வீசி 3 விக்கெட் வீழ்த்தினார்.
அதனைத் தொடர்ந்து 92 ரன்கள் எடுத்தால் வெற்றி என்ற எளிய இலக்குடன் களமிறங்கிய பாகிஸ்தான் அணி 13.4 ஓவர்களில் 4 விக்கெட் இழப்பிற்கு 95 ரன்கள் எடுத்தது. இதன் மூலம் பாகிஸ்தான் அணி 6 விக்கெட் வித்தியாசத்தில் அபார வெற்றி பெற்றது.
இந்த உலகக் கோப்பையில் பாகிஸ்தான் அணி தனது முதல் வெற்றியை பதிவு செய்துள்ளது. அதேபோல் டி20 போட்டியில் ஆஸ்திரேலிய மண்ணில் பாகிஸ்தான் அணி பெற்ற முதல் வெற்றி என்பது குறிப்பிடத்தக்கது.
English Summary
T20 World Cup Pakistan beat Netherland