மகளிர் டி20 உலகக்கோப்பை போட்டியில் இந்தியா - பாகிஸ்தான் அணிகள் இன்று மோதுகின்றன.

8வது மகளிர் டி20 உலக கோப்பை கிரிக்கெட் போட்டி தென் ஆப்பிரிக்காவில் பிப்ரவரி நேற்று முதல் பிப்ரவரி 26ம் தேதி வரை நடைபெற்று வருகிறது. அதன்படி மொத்தம் 10 அணிகள் பங்கேற்கும் இந்த டி20 உலக்கோப்பையில் மொத்தம் 23 போட்டிகள் நடைபெற உள்ளது.

அவை 2 பிரிவுகளாக பிரிக்கப்பட்டுள்ளன. இதில் 'ஏ' பிரிவில் நடப்பு சாம்பியன் ஆஸ்திரேலியா, தென்னாபிரிக்கா, நியூசிலாந்து, இலங்கை, வங்காளதேசம் ஆகிய அணிகள் இடம் பெற்றுள்ளது. அதேபோல் 'பி' பிரிவில் இந்தியா, இங்கிலாந்து, வெஸ்ட் இண்டீஸ், பாகிஸ்தான், அயர்லாந்து அணிகள் இடம் பெற்றுள்ளன.

இதில், இந்திய அணி தனது முதல் லீக் போட்டியில் இன்று  (பிப்ரவரி 12ம் தேதி) பாகிஸ்தான் அணியுடன் மோதுகிறது. இந்திய நேரப்படி இன்று மாலை 6.30 மணிக்கு தொடங்குகிறது.

இதுவரை நேருக்கு நேர்

இவ்விரு அணிகளும் இதுவரை 13 டி20 போட்டிகளில் நேருக்கு நேர் மோதியுள்ளன. இதில் 10 போட்டிகளில் இந்திய அணியும், 3 போட்டிகளில் பாகிஸ்தான் அணியும் வெற்றி பெற்றுள்ளது.

டி20 உலக்கோப்பையில் இதுவரை நேருக்கு நேர்

இவ்விரு அணிகளும் இதுவரை 6 டி20 உலக்கோப்பை போட்டிகளில் நேருக்கு நேர் மோதியுள்ளன. இதில், 4 போட்டிகளில் இந்திய அணியும், 2 போட்டிகளில் பாகிஸ்தான் அணியும் வெற்றி பெற்றுள்ளது.

டி20 உலகக்கோப்பைக்கான அணி விவரம்

இந்திய மகளிர் அணி:

ஸ்மிருதி மந்தனா, ஷஃபாலி வர்மா, யாஸ்திகா பாட்டியா, ஹர்மன்ப்ரீத் கவுர்(கே), ஜெமிமா ரோட்ரிக்ஸ், ரிச்சா கோஷ்(வி.கீ), பூஜா வஸ்த்ரகர், தீப்தி சர்மா, ராதா யாதவ், ராஜேஸ்வரி கயக்வாட், ரேணுகா தாக்கூர் சிங், ஷிகா பாண்டே, தேவிகா வைத்யா  ஹர்லீன் தியோல், அஞ்சலி சர்வானி

பாகிஸ்தான் மகளிர் அணி:

முனீபா அலி, சித்ரா அமீன், பிஸ்மா மரூப்(கே), ஒமைமா சொஹைல், நிதா தார், அலியா ரியாஸ், சித்ரா நவாஸ்(வி.கீ), பாத்திமா சனா, நஷ்ரா சந்து, ஜவேரியா கான், அய்மான் அன்வர், சாடியா இக்பால், ஆயிஷா நசீம், துபா  ஹசன், சதாப் ஷமாஸ்.

இதில், இந்திய அணியின் தொடக்க வீராங்கனையும், துணை கேப்டனுமான ஸ்மிருதி மந்தானா காயம் காரணமாக இன்றைய போட்டியில் விளையாட மாட்டார் என கூறப்படுகிறது.