மகளிர் டி20 உலகக்கோப்பை இந்திய அணிக்கு எதிரான போட்டியில் பாகிஸ்தான் அணி பேட்டிங் தேர்வு செய்துள்ளது.

8வது மகளிர் டி20 உலக கோப்பை கிரிக்கெட் போட்டி தென் ஆப்பிரிக்காவில் பிப்ரவரி நேற்று முதல் பிப்ரவரி 26ம் தேதி வரை நடைபெற்று வருகிறது. அதன்படி மொத்தம் 10 அணிகள் பங்கேற்கும் இந்த டி20 உலக்கோப்பையில் மொத்தம் 23 போட்டிகள் நடைபெற உள்ளது.

அவை 2 பிரிவுகளாக பிரிக்கப்பட்டுள்ளன. இதில் 'ஏ' பிரிவில் நடப்பு சாம்பியன் ஆஸ்திரேலியா, தென்னாபிரிக்கா, நியூசிலாந்து, இலங்கை, வங்காளதேசம் ஆகிய அணிகள் இடம் பெற்றுள்ளது. அதேபோல் 'பி' பிரிவில் இந்தியா, இங்கிலாந்து, வெஸ்ட் இண்டீஸ், பாகிஸ்தான், அயர்லாந்து அணிகள் இடம் பெற்றுள்ளன.

இதில், இந்திய அணி தனது முதல் லீக் போட்டியில் இன்று பாகிஸ்தான் அணியுடன் மோதுகிறது. இந்திய நேரப்படி இன்று மாலை 6.30 மணிக்கு தொடங்குகிறது. இதில் டாஸ் வென்ற பாகிஸ்தான் மகளிர் அணி பேட்டிங் தேர்வு செய்துள்ளது.

இந்திய அணியில் அதிரடி தொடக்க வீராங்கனையான  ஸ்மிருதி மந்தானா காயம் காரணமாக இன்றைய போட்டியில் விளையாட வில்லை, அவருக்கு பதிலாக யாஷ்டிகா பாடியா விளையாடுகிறார்.

அணி விவரம்

பாகிஸ்தான் மகளிர் 11 வீராங்கனைகள் :

ஜவேரியா கான், முனீபா அலி(வி.கீ), பிஸ்மா மரூப்(கே), நிதா தார், சித்ரா அமீன், அலியா ரியாஸ், ஆயிஷா நசீம், பாத்திமா சனா, அய்மான் அன்வர், நஷ்ரா சந்து, சாடியா இக்பால்

இந்திய மகளிர் 11 வீராங்கனைகள் :

ஷஃபாலி வர்மா, யாஸ்திகா பாட்டியா, ஜெமிமா ரோட்ரிக்ஸ், ஹர்லீன் தியோல், ஹர்மன்ப்ரீத் கவுர்(கே), ரிச்சா கோஷ்(வி.கீ), தீப்தி ஷர்மா, பூஜா வஸ்த்ரகர், ராதா யாதவ், ராஜேஸ்வரி கயக்வாட், ரேணுகா தாக்கூர் சிங்

இதுவரை நேருக்கு நேர்

இவ்விரு அணிகளும் இதுவரை 13 டி20 போட்டிகளில் நேருக்கு நேர் மோதியுள்ளன. இதில் 10 போட்டிகளில் இந்திய அணியும், 3 போட்டிகளில் பாகிஸ்தான் அணியும் வெற்றி பெற்றுள்ளது.

டி20 உலக்கோப்பையில் இதுவரை நேருக்கு நேர்

இவ்விரு அணிகளும் இதுவரை 6 டி20 உலக்கோப்பை போட்டிகளில் நேருக்கு நேர் மோதியுள்ளன. இதில், 4 போட்டிகளில் இந்திய அணியும், 2 போட்டிகளில் பாகிஸ்தான் அணியும் வெற்றி பெற்றுள்ளது.