இலங்கையில் இருந்து கடல் வழியாக கடத்தி வந்த ரூ.18.34 கோடி மதிப்புள்ள தங்கக்கட்டிகள் பறிமுதல்.!

இலங்கையிலிருந்து கடல் வழியாக கடத்தி வரப்பட்ட ரூ.18.34 கோடி மதிப்புள்ள தங்க கட்டிகளை வருவாய் புலானய்வு பிரிவு அதிகாரிகள் பறிமுதல் செய்தனர்.

இலங்கையில் இருந்து கடல் வழியாக கடத்தி வரப்பட்ட தங்க கட்டிகள் மதுரை-ராமநாதபுரம் வழியாக குறிப்பிட்ட பதிவெண் கொண்ட காரில் தங்கத்தை கொண்டு செல்வதாக வருவாய் புலனாய்வு பிரிவு அதிகாரிகளுக்கு ரகசிய தகவல் கிடைத்துள்ளது.

இந்த தகவலையடுத்து வருவாய் புலானய்வு பிரிவு அதிகாரிகள் மதுரை-ராமநாதபுரம் நெடுஞ்சாலையில் உள்ள சுங்கச்சாவடியில் தீவிர சோதனையில் ஈடுபட்டிருந்தனர்.

அப்பொழுது அந்த வழியாக குறிப்பிட்ட பதிவெண் கொண்ட கார் வந்த போது அதனை மடக்கி பிடித்து அதிகாரிகள், காரில் இருந்த 3 பேர் சுற்றி வளைத்து கைது செய்தனர். பின்பு காரில் இருந்த ரூ.18.34 கோடி மதிப்புடைய 35.6 கிலோ வெளிநாட்டு தங்கக்கட்டிகளை அதிகாரிகள் பறிமுதல் செய்தனர்.