தஞ்சாவூரில் பாதயாத்திரை சென்று கொண்டிருந்த பக்தர்கள் மீது சரக்கு வேன் மோதியதில் 4 பேர் சம்பவ இடத்திலே பரிதபமாக உயிரிழந்துள்ளதாக தகவல் வெளியாகி உள்ளது.

தஞ்சாவூர் மாவட்டம் வளம்பக்குடியில் அருகே திருச்சியில் அமைந்துள்ள சமயபுரம் மாரியம்மன் கோவிலுக்கு பாதயாத்திரையாக 20க்கும் மேற்பட்ட பக்தர்கள் சென்றதாக கூறப்படுகிறது. பாதையாத்திரையாக சாலையோரம் சென்று கொண்டிருந்தபோது அப்போது அவ்வழியே வந்த சரக்குவேன் ஓட்டுநரை கட்டுப்பாட்டு இழந்து சாலையோரம் நடந்து சென்று கொண்டிருந்தவர்கள் மீது மோதியதாக கூறப்படுகிறது.

சரக்கு வேன் மோதியதில் சம்பவ இடத்திலே 4 பேர் தூக்கி வீசப்பட்டு பரிதாபமாக உயிர் இருந்த சம்பவம் அப்பகுதியில் பெரும் பரபரப்பு ஏற்படுத்தியுள்ளது. மேலும் இரண்டு பேர் படுகாயம் அடைந்துள்ளனர். அவ்வழியே வந்தவர்கள் உடனடியாக அவர்களை மீட்டு ஆம்புலன்ஸ் உதவியுடன் அவர்களை மருத்துவமனைக்கு அனுப்பி வைத்தனர்.

இது தொடர்பாக காவல்துறைக்கு தகவல் தெரிவிக்கப்பட்டது. தகவல் அறிந்து சம்பவ இடத்திற்கு விரைந்த காவல்துறை இது தொடர்பாக விசாரணை நடத்தியது. முதற்கட்ட விசாரணையில் விபத்தில் உயிரிழந்தவர்கள் புதுக்கோட்டையைச் சேர்ந்த கூலித் தொழிலாளியாக மீனா, ராணி, மோகனாம்பாள், முத்துசாமி ஆகியோர் என்பது தெரியவந்துள்ளது.

சம்பவ இடத்திலேயே உயிரிழந்த நான்கு பேரில் உடல் பிரேத பரிசோதனைக்காக தஞ்சாவூர் அரசு மருத்துவமனைக்கு அனுப்பி வைக்கப்பட்டுள்ளதாக கூறப்படுகிறது. இந்த சம்பவம் தொடர்பாக காவல்துறை மேலும் விசாரணை நடத்தி வருவதாக தகவல் வெளியாகியுள்ளது.

சமயபுரம் மாரியம்மன் கோவிலுக்கு பாதயாத்திரை சென்றவர் மீது சரக்கு வேன் மோதியதில் சம்பவ இடத்திலேயே 4 பேர் பரிதாபமாக உயிரிழந்த சம்பவம் அப்பகுதியில் பெரும் சோகத்தை ஏற்படுத்தி உள்ளது.