துபாயில் நடந்துவரும் கார் பந்தயத்தின் 24H சீரிஸ் நடிகர் அஜித் குமார் ரேசிங் அணி மூன்றாவது இடம் பிடித்து அசத்தியுள்ளது. 

களத்திலேயே இந்திய தேசியக் கொடியுடன் வலம் வந்து நடிகர் அஜித் குமார் தனது மகிழ்ச்சியை வெளிப்படுத்தினார். இந்த வெற்றிக்கு ரசிகர்கள், திரைத்துறை மற்றும் தமிழக அரசியல் கட்சி தலைவர்கள் பலரும் வாழ்த்து தெரிவித்து வருகின்றனர்.

இந்நிலையில், அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிசாமி நடிகர் அஜித் குமாருக்கு வாழ்த்து தெரிவித்து உள்ளார்.

அதில், "துபாயில் நடைபெற்ற 24H சீரிஸ் கார் பந்தயத்தில் 3-வது இடத்தைப் பிடித்துள்ள முன்னணி நடிகர், அன்புச் சகோதரர் அஜித்குமார் அவர்கள் தலைமையிலான அஜித் குமார் ரேசிங் அணிக்கு எனது மனமார்ந்த வாழ்த்துகள்.

துபாயில் நடைபெற்ற #24HSeries கார் பந்தயத்தில் 3-வது இடத்தைப் பிடித்துள்ள முன்னணி நடிகர், அன்புச் சகோதரர்
திரு. அஜித்குமார் அவர்கள் தலைமையிலான #AjithkumarRacing அணிக்கு எனது மனமார்ந்த வாழ்த்துக்கள்!

மேலும் பல வெற்றிகளைக் குவித்து, நம் மாநிலத்திற்கும் நாட்டிற்கும் மென்மேலும்… pic.twitter.com/KBDDl3JS0m

— Edappadi K Palaniswami - Say No To Drugs & DMK (@EPSTamilNadu) January 13, 2025

மேலும் பல வெற்றிகளைக் குவித்து, நம் மாநிலத்திற்கும் நாட்டிற்கும் மென்மேலும் பெருமை சேர்க்க வாழ்த்துகிறேன்" என்று தெரிவித்துள்ளார்.

முன்னதாக திமுக இலைஞரணி செயலாளர், துணை முதல்வர் உதயநிதி மற்றும் நடிகர் ரஜினிகாந்த் உள்ளிட்டவர்களும் தங்களின் வாழ்த்துக்களை தெரிவித்துள்ளனர்.