பிரச்சாரத்தில் மயங்கி விழுந்த அதிமுக நிர்வாகி - தேனியில் பரபரப்பு.!
admk excuetive fainted in theni election campaighn
தமிழகத்தில் மக்களவைத் தேர்தலை முன்னிட்டு நாடு முழுவதும் அரசியல் கட்சிகள் தீவிர தேர்தல் பணியில் ஈடுபட்டுள்ளனர். அந்த வகையில், தேனி நாடாளுமன்றத் தொகுதி அதிமுக வேட்பாளராக போட்டியிடும் நாராயணசாமி இன்று கடமலைகுண்டு மற்றும் அதன் சுற்றுவட்டாரப் பகுதிகளில் உள்ள கிராமங்களில் வாக்கு சேகரிப்பில் ஈடுபட்டார்.
அவருடன் தேனி அதிமுக கிழக்கு மாவட்ட செயலாளர் முருக்கோடை ராமரும் இருந்தார். இவர் கடமலைக்குண்டு பகுதியில் பிரசாரத்தை முடித்துவிட்டு மயிலாடும்பாறை நோக்கி பிரசார வாகனம் சென்று கொண்டிருந்தபோது திடீரென மயக்கமடைந்தார்.
இதைபார்த்த, நிர்வாகிகள் அவரை வாகனத்தில் இருந்து கீழே இறக்கி கடமலைக்குண்டு பகுதியில் உள்ள தனியார் மருத்துவமனையில் சிகிச்சைக்காக அனுமதித்தனர். அங்கு அவருக்கு சிகிச்சை அளிக்கப்பட்டது.
இந்தச் சம்பவத்தால், சிறிது நேரம் அதிமுக வேட்பாளர் நாராயணசாமியின் பிரசாரம் தடைப்பட்டது. இதையடுத்து, மயக்கமடைந்த மாவட்ட செயலாளர் முருக்கோடை ராமர் இல்லாமல் அதிமுகவினர் அடுத்த ஊரில் வாக்கு சேகரிப்பில் ஈடுபட்டனர்.
English Summary
admk excuetive fainted in theni election campaighn