திருப்பத்தூர் மாவட்டம்.! ஆட்டோ மினி வேன் மோதிய விபத்தில் 6 மாத குழந்தை மற்றும் தாய் உயிரிழப்பு.!

திருப்பத்தூர் மாவட்டத்தில் ஆட்டோ மினி வேன் மோதிய விபத்தில் 6 மாத குழந்தை மற்றும் தாய் உயிரிழந்து உள்ளனர்.

திருப்பத்தூர் மாவட்டம் கந்திலி அருகே முனியூர் பகுதியில், ஒரு குடும்பத்தை சேர்ந்தவர்கள் ஆட்டோவில் வந்து கொண்டிருக்கும்போது சிர்மா டெக்னாலஜி ஆயில் கம்பெனிக்கு ஆல் ஏற்றிக்கொண்டு அதிவேகத்தில் எதிரே வந்த மினி வேன், ஆட்டோ மீது மோதி விபத்து ஏற்பட்டுள்ளது.

இந்த விபத்து குறித்து தகவல் அறிந்து வந்த காவல்துறையினர் விபத்தில் படு காயமடைந்தவர்களை மீட்டு மருத்துவமனையில் அனுமதித்தனர்.

இவர்களை பரிசோதனை செய்ததில் ஆறு மாத குழந்தை மற்றும் தாய் இறந்து விட்டதாக மருத்துவர்கள் தெரிவித்துள்ளனர். இதனைத் தொடர்ந்து இருவரின் உடல்களையும் பிரேத பரிசோதனைக்காக அனுப்பி வைத்தனர்.

மேலும் காயமடைந்த மற்றவர்கள் சிகிச்சை பெற்று வருவதாகவும், இந்த சம்பவம் குறித்து வழக்கு பதிவு செய்து விசாரணை மேற்கொண்டு வருவதாக காவல்துறையினர் தெரிவித்துள்ளனர்.