நாம் தமிழர் கட்சியின் தலைமை ஒருங்கிணைப்பாளர் சிமான் தந்தை பெரியார் குறித்து சர்ச்சைக்குரிய வகையில் பேசியதால், தமிழ்நாடு முழுவதும் பல்வேறு அரசியல் மற்றும் சமூக அமைப்புகளின் கண்டனத்தை சந்தித்து வருகிறார். இதனால் சிமானின் கருத்துக்கள் குறித்த 60-க்கும் மேற்பட்ட வழக்குகள் தமிழகம் முழுவதும் காவல் நிலையங்களில் பதிவு செய்யப்பட்டுள்ளது.

சிமான் பேச்சுக்கு எதிராக திராவிடர் கழகம், தந்தை பெரியார் திராவிட கழகம், திராவிடர் விடுதலை இயக்கம், மற்றும் பிற அமைப்புகள் பல்வேறு இடங்களில் ஆர்ப்பாட்டத்தில் ஈடுபட்டுள்ளன.

சென்னையில், திராவிட கழகத்தினர் சிமானின் வீட்டை முற்றுகையிட இருப்பதாக அறிவித்துள்ளனர், இதனால் அங்கு பலத்த காவல் பாதுகாப்பு போடப்பட்டுள்ளது.

பல மாவட்டங்களில், பெரியாரிய கருத்துக்களை ஆதரிக்கும் அமைப்புகள் ஊர்வலமாக சென்று போலிஸ் நிலையங்களில் புகார்களை அளித்து வருகின்றன.

சிமான் மீது 192 (கலவரத்தை ஏற்படுத்தும் செயல்பாடு) மற்றும் 352 (அமைதியை சீர்குலைக்கும் செயல்பாடு) போன்ற இந்திய தண்டனைச் சட்ட பிரிவுகளின் கீழ் வழக்குகள் தொடரப்பட்டுள்ளது.

கோவையில் மட்டும் 8 காவல் நிலையங்களில் வழக்குகள் பதிவு செய்யப்பட்டுள்ளன.இதற்குபடியாக, திருநெல்வேலி, திண்டுக்கல், தென்காசி, மதுரை, சேலம், கடலூர், உள்ளிட்ட பல்வேறு மாவட்டங்களில் வழக்குகள் பதிவு செய்யப்பட்டுள்ளது.

இந்த விவகாரம் குறித்து போலீசார் தீவிரமாக நடவடிக்கை எடுத்து வருகிறார்கள்.நெல்லை மாவட்டத்தில், திராவிடர் கழக மாவட்ட செயலாளர் வேல்முருகனின் புகாரின் பேரில் தச்சநல்லூர் காவல் நிலையத்தில் வழக்கு பதிவு செய்யப்பட்டுள்ளது.கோவை மாவட்டத்தில், 7 சமூக அமைப்புகள் இணைந்து கோவை மாநகர போலீஸ் கமிஷனர் மற்றும் சூப்பிரண்டு ஆகியோரிடம் புகார் அளித்துள்ளனர்.

சிமான் மீது தொடர்ச்சியாக புகார்களும் வழக்குகளும் குவிந்து வருவதால், அவரை கைது செய்யும் வாய்ப்பு மிக அதிகமாக இருப்பதாக தகவல்கள் வெளியாகியுள்ளது.

சிமான் கூறிய கருத்துகள் அரசியல் லாப நோக்கத்துடன் கூறப்பட்டதாக பல அமைப்புகள் குற்றம்சாட்டுகின்றன. இந்த விவகாரம் தமிழ்நாட்டு அரசியலில் பரபரப்பாகும் நிலையில், பின்வரும் நாட்களில் இது மேலும் தாக்கத்தை ஏற்படுத்தும் வாய்ப்பு உள்ளது.