முதலமைச்சர் மு.க ஸ்டாலின் சென்ற விமானத்திற்கு வெடிகுண்டு மிரட்டல்.!
bomb threat to cm mk stalin travel flight
தமிழகத்திற்கு தொழில் முதலீடுகளை ஈர்க்கும் வகையில், முதலீட்டாளர்களை சந்திப்பதற்காக முதலமைச்சர் மு.க.ஸ்டாலின் நேற்று இரவு எமிரேட்ஸ் விமானம் மூலம் சென்னையில் இருந்து அமெரிக்கா புறப்பட்டுச் சென்றார்.
இந்நிலையில் முதலமைச்சர் மு.க. ஸ்டாலின் பயணம் செய்த விமானத்திற்கு வெடிகுண்டு மிரட்டல் விடுக்கப்பட்டுள்ளது. முதலமைச்சர் பயணம் செய்த விமானம் புறப்பட்ட பிறகே வெடிகுண்டு மிரட்டல் மின்னஞ்சலை அதிகாரிகள் பார்த்துள்ளனர்.
இதனால், விமானம் துபாயில் இறங்கும் வரை 4 மணி நேரம் உச்சக்கட்ட பதற்றத்துடன் அதிகாரிகள் இருந்துள்ளனர். இந்த நிலையில் துபாய் வழியாக அமெரிக்கா செல்லும் முதலமைச்சர் மு.க. ஸ்டாலின் பயணித்த விமானம் பாதுகாப்பாக அங்கு தரையிறங்கியது.
விமானம் தரையிறங்கிய பிறகே வெடிகுண்டு மிரட்டல் தவறானது என்பது உறுதி செய்யப்பட்டது. இதையடுத்து அதிகாரிகள் நிம்மதி அடைந்தனர். இருப்பினும் போலீசார் வெடிகுண்டு மிரட்டல் விடுத்தது யார் என்று விசாரணை மேற்கொண்டு வருகின்றனர்.
English Summary
bomb threat to cm mk stalin travel flight