கிருஷ்ணகிரி : பிறந்து 14 நாட்களே ஆன பச்சிளம் பெண் குழந்தையை கொடூரமாக கொலை செய்த குழந்தையின் தந்தை கைது செய்யப்பட்டுள்ளதாக தகவல் வெளியாகி உள்ளது.

கிருஷ்ணகிரி மாவட்டம் சங்கேரி இருளர் காலனி பகுதியைச் சேர்ந்தவர் மாதையன். இவர் கூலி தொழிலாளி. இவருடைய முதல் மனைவி முனியம்மா இவருக்கு இரண்டு மகன்கள் உள்ளனர். கருத்து வேறுபாடு காரணமாக முனியம்மா தனது மகன்களை அழைத்துக்கொண்டு கணவரை பிரிந்து சென்று விட்டதாக கூறப்படுகிறது.

இதனையடுத்து மாதையன்  ஒன்னுகுறிக்கை கிராமத்தை சேர்ந்த சின்னம்மா என்ற பெண்ணை இரண்டாவது திருமணம் செய்து கொண்டார் இவர்களுக்கு 12 வயதில் ஒரு மகனும் 4 பெண் குழந்தைகளும் உள்ளனர். இந்தநிலையில், மீண்டும் கர்ப்பமடைந்த சின்னம்மாவிற்கு கடந்த 14 நாட்களுக்கு முன்பு 5வதாக பெண் குழந்தை பிறந்துள்ளது.

ஏற்கனவே நமக்கு 1 மகனும் 4 பெண் குழந்தையிலும் உள்ளனர். எனவே 5வது பிறந்த பெண் குழந்தை நமக்கு வேண்டாம். இந்த குழந்தையை கொன்று விடலாம் என்று நேற்று முன்தினம் இரவு சின்னம்மாவிடம் மாதையன் கூறியுள்ளார். அதற்கு அவருடைய மனைவி எதிர்ப்பு தெரிவித்துள்ளார்.

உடனே மாதையன் குழந்தையை தூக்கிக் கொண்டு வெளியே சென்றார். இதனை கண்டு அதிர்ச்சி அடைந்த சின்னம்மா கணவரிடம் குழந்தையை வாங்க முயன்றபோது மனைவியை தள்ளிவிட்டு குழந்தையை தூக்கிச் சென்றதாக கூறப்படுகிறது.

அப்போது சின்னம்மாவின் அலறல் சத்தம்கேட்டு அக்கம் பக்கத்தில் இருந்தனர் ஓடி வந்தனர். நடந்த விவரங்களை சின்னம்மா கூறியதுடன் அவர்களும் மாதையனையும் குழந்தையும் தேடி சென்றனர் அப்போது வீட்டின் அருகே உள்ள பாறை மீது குழந்தையை போட்டு விட்டு மாதையும் தப்பி ஓடி உள்ளார்.

இதை கவனித்த சின்னம்மா அங்கு சென்று பார்த்த போது குழந்தை பேச்சு மூச்சு இன்றி கிடந்தது மேலும் கண்ணம் மற்றும் கழுத்தில் காயங்கள் இருந்தன. பின்னர், அவர் குழந்தையை கேலமங்கலம் அரசு ஆரம்ப சுகாதார நிலையத்திற்கு கொண்டு சென்றனர். அங்கு குழந்தையை பரிசோதித்த மருத்துவர்கள் குழந்தை ஏற்கனவே இழந்து விட்டதாக தெரிவித்தனர்.

இதுகுறித்து கேலமங்கலம் போலீசாருக்கு தகவல் தெரிவிக்கப்பட்டது. அதன் பேரில் போலீசார் விரைந்து வந்து குழந்தையை மீட்டு பிரேத பரிசோதனைக்காக கிருஷ்ணகிரி அரசு மருத்துவமனைக்கு அனுப்பி வைத்தனர். இந்த சம்பவம் தொடர்பாக போலீசார் வழக்கு பதிவு செய்து அதே பகுதியில் பதுங்கி இருந்த குழந்தையின் தந்தை மாதையினை கைது செய்தனர்.