கஞ்சா விற்பனை செய்த தனியார் கல்லூரி மாணவர் உட்பட ஐந்து பேர் கைது.!

திண்டுக்கல் மாவட்டத்தில் கஞ்சா விற்பனை செய்த தனியார் கல்லூரி மாணவர் உட்பட 5 பேரை போலீசார் கைது செய்துள்ளனர்.

திண்டுக்கல் மாவட்டம் அனுமந்தராயன் கோட்டை பகுதியில் சட்ட விரோதமாக கஞ்சா விற்பனை செய்யப்படுவதாக காவல்துறையினருக்கு தகவல் கிடைத்துள்ளது.

இந்த தகவலையடுத்து போலீசார் அப்பகுதியில் ரோந்து பணி ஈடுபட்டிருந்தனர். அப்பொழுது மேலப்பட்டி அருகே உள்ள தோட்டத்தில் ஒரு கும்பல் போலீசாரை கண்டதும் தப்பி ஓட முயன்றுள்ளனர்.

இதைத்தொடர்ந்து அவர்களை மடக்கி பிடித்த போலீசார், விசாரணை மேற்கொண்டதில் அவர்கள் மேலபட்டியை சேர்ந்த ரோஸி, பீட்டர், பேகம்பூரை சேர்ந்த சுல்தான் அலாவுதீன், செட்டிநாயக்கன்பட்டியை சேர்ந்த பழனிவேல் மற்றும் தனியார் கல்லூரி மாணவர் சக்திவேல் என்பதும், அவர்கள் கஞ்சா விற்பனை செய்தததும் தெரியவந்துள்ளது.