தாம்பரத்தை அண்டிய சேலையூர், மணிமங்கலம், கூடுவாஞ்சேரி, மறைமலைநகர் உள்ளிட்ட 8 பகுதிகளில் ஒரே நாளில் தொடர் செயின் பறிப்பு சம்பவங்கள் நடந்து இருப்பது மக்களை அச்சத்தில் ஆழ்த்தியுள்ளது.

இதில், பெரும் அதிர்ச்சியாக சென்னை கமிஷனர் அலுவலகத்தில் பணியாற்றும் ஒரு பெண் காவலர் ஒருவரிடமும் செயின் பறிப்பு நடந்துள்ளது.

கொள்ளையனைக் கண்டறிய, மூன்று தனிப்படைகள் அமைக்கப்பட்டு விசாரணை மேற்கொள்ளப்பட்டு வருவதாக அதிகாரிகள் தெரிவித்துள்ளனர்.

சீருடையில் உள்ள பெண் காவலரிடமே செயின் பறிப்பு என்பது குற்றவாளிகளுக்கு போலீஸ் என்றால் கூட பயமில்லை என்பதை தெளிவாக்கிவிட்டது!

மக்களே- ஸ்டாலின் மாடல் ஆட்சி இருக்கும் வரை நமக்கு நாம் தான் பாதுகாப்பு!
pic.twitter.com/F94mqWZgyr

— Raj Satyen - Say No To Drugs & Dmk (@satyenaiadmk) January 18, 2025

இந்நிலையில், அமமுக பொதுச்செயலாளர் டிடிவி தினகரன் விடுத்துள்ள செய்திக்குறிப்பில், "சென்னை மாநகர காவல் ஆணையரகத்தில் பணிபுரிந்து வரும் பெண் காவலர் ஒருவர், தாம்பரம் – முடிச்சூர் சாலையில் உள்ள தனது இல்லத்திற்கு சென்று கொண்டிருந்த வேளையில் அப்பகுதியாக இருசக்கர வாகனத்தில் வந்த இருவர், காவலரின் செயினை பறித்துவிட்டு தப்பியோடியிருப்பதாக செய்திகள் வெளியாகியுள்ளன. 

பெண் காவலர் அளித்த புகாரின் அடிப்படையில் மேற்கொண்ட விசாரணையில் சேலையூர், கூடுவாஞ்சேரி, மறைமலை நகர் என அடுத்தடுத்து எட்டு இடங்களில் அதே கொள்ளையர்கள் ஒரே நாளில் செயின் பறிப்பு சம்பவங்களில் ஈடுபட்டிருப்பதும் தெரியவந்துள்ளது. இச்சம்பவத்தை பார்க்கும் போது தமிழகத்தில் காவல்துறை முற்றிலும் முடங்கியுள்ளதா ? அல்லது முடக்கப்பட்டுள்ளதா? என்ற சந்தேகம் பொதுமக்கள் மத்தியில் எழுந்துள்ளது. 

சென்னை தாம்பரம் – முடிச்சூர் சாலையில் பெண் காவலரிடம் செயின் பறிப்பு – காவலர்களிடமே திருடர்கள் கைவரிசை காட்டும் அளவிற்கு தமிழகத்தில் சட்டம் ஒழுங்கு சீர்குலைந்திருக்கிறது.

சென்னை மாநகர காவல் ஆணையரகத்தில் பணிபுரிந்து வரும் பெண் காவலர் ஒருவர், தாம்பரம் – முடிச்சூர் சாலையில் உள்ள…

— TTV Dhinakaran (@TTVDhinakaran) January 18, 2025

எனவே, காவல்துறையை தன் கட்டுப்பாட்டில் வைத்திருக்கும் முதலமைச்சர் .மு.க.ஸ்டாலின், இனியாவது கண்விழித்து இதுபோன்ற குற்றச் சம்பவங்கள் தமிழகத்தில் நடைபெறாத வகையில் நடவடிக்கைகளை துரிதப்படுத்த வேண்டும்" என டிடிவி தினகரன் வலியுறுத்தியுள்ளார்.