அத்துமீறும் இலங்கை கடற்படை - தமிழக மீனவர்கள் 8 பேர் கைது.!
eight tamilnadu fishermans arrest
தமிழகத்தில் இருந்து கடலுக்கு செல்லும் மீனவர்களை எல்லைத் தாண்டி மீன் பிடித்ததாக கூறி இலங்கை கடற்படையினர் கைது செய்யும் சம்பவம் அடிக்கடி நடந்து வருகிறது. இதனைத் தடுக்க தமிழக அரசு பல்வேறு முயற்சிகளை மேற்கொண்டு வருகிறது.
இருப்பினும் கடந்த சில நாட்களாக புதுக்கோட்டை, நாகை, தூத்துக்குடி, ராமேஸ்வரம், உள்ளிட்ட பகுதிகளிலிருந்து கடலுக்கு செல்லும் மீனவர்களை இலங்கை கடற்படையினர் கைது செய்துள்ளனர். அவர்களை மீட்கக்கோரி தமிழக மீனவர்கள் தொடர் போராட்டத்தில் ஈடுபட்டனர்.
இந்த நிலையில், கடலுக்கு மீன் பிடிக்க சென்ற தமிழக மீனவர்கள் எட்டு பேரை எல்லை தாண்டி மீன் பிடித்ததாக கூறி இலங்கை கடற்படை சிறை பிடித்து சென்று இருக்கிறது.
கைதான மீனவர்களை அவர்களுடைய விசைப்படகுடன் மன்னார் கடற்படை முகாமுக்கு கொண்டு சென்றுள்ளனர். தமிழக மீனவர்கள் இலங்கை கடற்படையினரால் கைது செய்யப்பட்ட சம்பவம் மீனவர்களிடையே கடும் அதிர்ச்சியை ஏற்படுத்தியுள்ளது.
English Summary
eight tamilnadu fishermans arrest