உலக குதிரையேற்றம் போட்டி: வெற்றி பெற்ற வீரர்களுக்கு துணை முதலமைச்சர் உதயநிதி வாழ்த்து..!

பெங்களூருவில் உலக குதிரையேற்றம் போட்டி நடைபெற்றது. இதில் தமிழ்நாடு வீரர் மற்றும் வீராங்கனைகள் கலந்துகொண்டு பதக்கங்களை வென்றுள்ளனர்.

இது குறித்து, துணை முதலமைச்சர் உதயநிதி ஸ்டாலின் தனது எக்ஸ் வலைதளத்தில் கூறியிருப்பதாவது;

பெங்களுருவில் நடைபெற்ற உலக குதிரையேற்றக் கூட்டமைப்பின் Federation Equestre Internationale's World Dressage Challenge-2024, தமிழ்நாட்டிலிருந்து பங்கேற்று பதக்கங்களை குவித்த வீரர் - வீராங்கனையரை இன்று நேரில் சந்தித்து வாழ்த்தினோம்.

குறிப்பாக, தங்கை மிராயா தாதாபோய் தங்கப் பதக்கத்தை வென்று சாதனைப் படைத்ததோடு ஆசியாவின் Best Youth Rider பட்டத்தையும் பெற்றுள்ளார்.

மேலும், உலக குதிரையேற்ற தரவரிசையில் ஐந்தாம் இடத்தையும் பிடித்து தமிழ்நாட்டுக்கு அவர் பெருமை சேர்த்துள்ளார் என்று பதிவில் தனது பாராட்டுக்களை தெரிவிதித்துள்ளார்.