ஆளுநர் ஆர்.என்.ரவி நாளை தஞ்சாவூர் வருகை.!
governor r n ravi came in thanjavur
தமிழக ஆளுநர் ஆர்.என்.ரவி நாளை தஞ்சாவூருக்கு வருகை தர உள்ளார். இதற்காக அவர் சென்னையில் இருந்து விமானம் மூலம் திருச்சிக்கு வந்து அங்கிருந்து காரில் தஞ்சாவூருக்கு வருகிறார்.
இதையடுத்து ஆளுநர் ஆர்.என்.ரவி மதியம் 12 மணியளவில் தஞ்சை சரசுவதி மகாலுக்கு சென்று அங்குள்ள ஓலைச்சுவடிகள், அருங்காட்சியகத்தை பார்வையிடுகிறார். பின்னர் அங்கிருந்து காரில் புறப்பட்டு தஞ்சை சுற்றுலா மாளிகைக்கு செல்கிறார். அங்கு மதிய உணவு சாப்பிட்டு விட்டு சிறிது நேரம் ஓய்வு எடுக்கிறார்.
இதைத் தொடர்ந்து மாலை 4 மணி அளவில் தஞ்சை பெரிய கோவிலில் நடக்கும் பிரதோஷ விழாவில் பங்கேற்கிறார். விழா முடிந்தவுடன் காரில் புறப்பட்டு மீண்டும் சுற்றுலா மாளிகைக்கு வருகிறார்.
அங்கு சிறிது நேரம் ஓய்வெடுத்து விட்டு காரில் புறப்பட்டு திருச்சி செல்லும் அவர் அங்கிருந்து விமானம் மூலம் சென்னைக்கு செல்கிறார். ஆளுநரின் வருகையை முன்னிட்டு நாளை தஞ்சாவூரில் ஏராளமான போலீசார் பாதுகாப்பு பணியில் ஈடுபட உள்ளனர்.
English Summary
governor r n ravi came in thanjavur