நாமக்கல்: மொபட் மீது அரசு பேருந்து மோதிய விபத்தில் கூலித் தொழிலாளி உயிரிழப்பு.!

நாமக்கல் மாவட்டத்தில் மொபட் மீது அரசு பேருந்து மோதிய விபத்தில் கூலித் தொழிலாளி உயிரிழந்துள்ளார்.

நாமக்கல் மாவட்டம் மணப்பள்ளி தெற்கு தெருவை சேர்ந்தவர் கூலி தொழிலாளி தண்டபாணி(45). இவர் நேற்று முன்தின இரவு மோகனூரில் இருந்து வீட்டிற்கு மொபட்டில் வந்து கொண்டிருந்தார்.

அப்பொழுது பரமத்தி வேலூர் சாலை அருகே சென்ற போது மோகனூர் நோக்கி சென்ற அரசு பேருந்து ஒன்று எதிர்பாராதவிதமாக தண்டபாணி மொபட் மீது மோதியது.

இதில் பலத்த காயமடைந்த தண்டபாணி அப்பகுதியில் இருந்தவர்கள் மீட்டு சிகிச்சைக்காக நாமக்கல் அரசு மருத்துவமனைக்கு கொண்டு சென்றனர். பின்பு மேல் சிகிச்சைக்காக சேலம் மருத்துவமனையில் சேர்க்கப்பட்ட தண்டபாணி அங்கு சிகிச்சை பலனின்றி நேற்று பரிதாபமாக உயிரிழந்துள்ளார்.