தேனி அருகே கோர விபத்து!...இருசக்கர வாகனங்கள் நேருக்கு நேர் மோதி 3 பேர் உயிரிழந்த சோகம்!
Horrible accident near theni two wheelers collide head on 3 killed
தேனி அருகே இரு சக்கர வாகனங்கள் நேருக்கு நேர் மோதிய விபத்தில், 3 பேர் உயிரிழந்த சம்பவம் சோகத்தை ஏற்படுத்தியுள்ளது.
தேனி மாவட்டம், கம்பம் - கூடலூர் சாலையில் இருசக்கர வாகனம் ஒன்று சென்று கொண்டிருந்துள்ளது. அப்போது அப்பாச்சி பண்ணை பகுதியில் மற்றொரு இரு சக்கர வாகனம் வந்த நிலையில், எதிர்பாராத விதமாக இரண்டு இருசக்கர வாகனங்களும் நேருக்கு நேர் மோதி விபத்திற்குள்ளானது.
இந்த கோர விபத்தில் சிக்கி ஓரே இரு சக்கர வாகனத்தில் சென்ற கூடலூரைச் சேர்ந்த லிங்கேஷ், சேவாக், சஞ்சய் ஆகிய 3 இளைஞர்கள் பரிதாபமாக உயிரிழந்தனர். இது குறித்து தகவல் அறிந்த அவரது பெற்றோர்கள் கதறி அழுதனர்.
மேலும் இந்த சம்பவத்தில் எதிரே வந்த இரு சக்கர வாகனத்தில் இருந்த மோனிஷ் மற்றும் கேசவன் ஆகியோர் படுகாயம் அடைந்தனர்.
தொடர்ந்து இந்த விபத்து தொடர்பாக கூடலூர் வடக்கு போலீசார் வழக்குப்பதிவு செய்து விசாரணை மேற்கொண்டு வருகின்றனர். இரு சக்கர வாகனங்கள் நேருக்கு நேர் மோதிய விபத்தில், இளைஞர்கள் 3 பேர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
English Summary
Horrible accident near theni two wheelers collide head on 3 killed