பட்டியலித்தவர் வீட்டில் டிபன் சாப்பிட்ட ஜே.பி.நட்டா.! உடனிருந்த பாஜக முக்கிய புள்ளிகள்.!
Jb natta eat Break fast In karaikudi dalit house
சிவகங்கை மாவட்டத்தில் உள்ள காரைக்குடியில் 2 நாள் பயணமாக நேற்று (செப்டம்பர் 22-ல்) வந்திருக்கும் பாரதிய ஜனதா கட்சியின், தேசிய தலைவர் ஜே.பி.நட்டா இன்று காலையில் பிள்ளையார்பட்டி ஸ்ரீ கற்பக விநாயகர் சன்னிதியில் சாமி தரிசனம் செய்துள்ளார்.
இதையடுத்து காரைக்குடி அருகே இருக்கும் நெசவாளர் காலனியில் வசித்து வரும் பட்டியலின வகுப்பைச் சேர்ந்த பாரதிய ஜனதா கட்சியின் சாக்கோட்டை தெற்கு ஒன்றியத் தலைவர் ராமலிங்கத்தின் வீட்டில், அவருடைய குடும்ப உறுப்பினர்களுடன் சேர்ந்து காலை உணவு உட்கொண்டார்.
அப்பொழுது, மாநில பாஜக தலைவர் அண்ணாமலை, மத்திய இணை அமைச்சரான எல்.முருகன், மற்றும் எச். ராஜா, சி.டி. ரவி ஆகியோரும் கலந்து கொண்டனர். அங்கே சிறிது நேரம் உரையாடிய ஜே.பி.நட்டா பின்பு அங்கிருந்து காரைக்குடியில் உள்ள தனியார் திருமண மண்டபத்தில் நடைபெறுகின்ற கட்சி நிர்வாகிகள் கூட்டத்திற்கு புறப்பட்டு சென்றுள்ளார்.
பாரதிய ஜனதா கட்சியின் அகில இந்திய தேசிய தலைவரான ஜே.பி.நட்டா காரைக்குடி அருகே இருக்கின்ற பட்டியலின மக்கள் அதிகம் வசிக்கின்ற குக்கிராமத்திற்கு சென்று அங்கே உணவருந்தியது அப்பகுதி மக்களிடம் வியப்பில் ஆழ்த்தியது.
English Summary
Jb natta eat Break fast In karaikudi dalit house