நெல்லை | பைக் - லாரி நேருக்கு நேர் மோதிய விபத்து! சம்பவ இடத்திலேயே 4 பேர் பலி!

லாரி மோதியதில் இருசக்கர வாகனத்தில் சென்ற 4 பேர் பலி:

திருநெல்வேலி: இன்று அம்பையில் இருந்து 1 ஆண், 2 பெண்கள்,1 குழந்தை என 4 பெரும் ஒரே இருசக்கர வாகனத்தில் வி.கே.புரம் நோக்கி சென்று கொண்டிருந்தனர்.

அம்பை அருகே கோடராங்குளம் விலக்கு பகுதியில் இருசக்கர வாகனம் சென்று கொண்டிருந்த போது எதிரே வந்த டிப்பர் லாரி இருசக்கர வாகனத்தின் மீது மோதியது.

இந்த விபத்தில், இருசக்கர வாகனத்தில் வந்த 4 பெரும் தூக்கி வீசப்பட்டு ரத்த வெள்ளத்தில் சம்பவ இடத்திலேயே பரிதாபமாக உயிரிழந்தனர்.

இது குறித்து தகவல் அறிந்து சம்பவ இடத்திற்கு விரைந்து வந்த அம்பை போலீசார் பலியான 4 பேர் உடலையும் கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

மேலும் இறந்தவர்கள் யார்? விபத்துக்கான காரணம் என்ன? என்பது குறித்து போலீசார் வழக்கு பதிவு செய்து விசாரணை நடத்தி வருகின்றனர்.