சென்னை புழல் சிறையில் உள்ள கைதிகள் பன்னா இஸ்மாயில் மற்றும் பிலால் மாலிக் ஆகியோரின் புகார்களைத் தொடர்ந்து, சென்னை உயர்நீதிமன்றம் முக்கிய உத்தரவுகளை பிறப்பித்துள்ளது.

கைதிகள் மீது சிறைத்துறை அதிகாரிகள் கடுமையாக தாக்கியது தொடர்பாக அவர்களின் குடும்பத்தினர் மனு தாக்கல் செய்தனர். இதுகுறித்து மனுவின் விசாரணை நீதிபதிகள் எஸ்.எம்.சுப்ரமணியம் மற்றும் வி.லட்சுமி நாராயணன் ஆகியோர் அமர்வில் நடைபெற்றது.

கைதிகள் மீது கடுமையான தாக்குதல் நடந்து, அவர்களுக்கு முறையான சிகிச்சை அளிக்கப்படவில்லை.தனியார் மருத்துவமனையில் சிகிச்சை அளிக்க உத்தரவிட வேண்டுமென மனுதாரர்கள் கோரிக்கை வைத்தனர்.

அரசு தரப்பில் கூடுதல் குற்றவியல் வழக்கறிஞர் இ.ராஜ்திலக் விளக்கமளித்தார்."சிறைக்குள் திடீரென சோதனை நடத்தியபோது கைதிகளிடமிருந்து செல்போன்கள் பறிமுதல் செய்யப்பட்டது. இதனால், கைதிகள் அதிகாரிகளின் மீது தாக்குதல் நடத்தியுள்ளனர். அதனால், அவர்களுக்கு தேவையான சிகிச்சை ஏற்கனவே அளிக்கப்பட்டுள்ளது," என்றார்.

ராஜீவ்காந்தி அரசு மருத்துவமனை டீனுக்கு, பன்னா இஸ்மாயில் மற்றும் பிலால் மாலிக் ஆகியோரின் உடல்நிலை தொடர்பாக ஆய்வு செய்து, ஜனவரி 21-க்குள் அறிக்கை தாக்கல் செய்ய உத்தரவு.

பலத்த பாதுகாப்பு செய்யப்பட்ட சிறைகளுக்குள்ளே தடைசெய்யப்பட்ட கஞ்சா, செல்போன் போன்ற பொருட்கள் எவ்வாறு உள்ளே செல்கின்றன என்பதற்கான முழுமையான அறிக்கை சமர்ப்பிக்க உத்தரவு.

இந்த விவகாரத்தில் அடுத்த கட்ட விசாரணை ஜனவரி 21 அன்று நடைபெறும் என்றும், அதுவரை புகார் தொடர்பாக தேவையான தகவல்களைச் சேகரிக்க நீதிமன்றம் கூறியுள்ளது.

பன்னா இஸ்மாயில் மற்றும் பிலால் மாலிக் ஆகியோர் கொலை வழக்கில் கைதாகி சிறையில் உள்ளனர். சிறைக்குள் தடைசெய்யப்பட்ட பொருட்கள் கையாளப்பட்டதாக சோதனையின் போது உறுதிசெய்யப்பட்டுள்ளது.

இந்த உத்தரவுகளின் மூலம் சிறைகளில் பாதுகாப்பு முறைகளின் குறைகள் வெளிக்கொண்டு வரக்கூடும் என எதிர்பார்க்கப்படுகிறது.