கிருஷ்ணகிரி.! கூலித் தொழிலாளி தூக்குப்போட்டு தற்கொலை.!

கிருஷ்ணகிரி மாவட்டத்தில் கூலி தொழிலாளி தூக்குப்போட்டு தற்கொலை செய்து கொண்டுள்ளார்.

கிருஷ்ணகிரி மாவட்டம் ஆண்டியூர் அருகே உள்ள கீழ்மத்தூர் கிராமத்தை சேர்ந்தவர் கூலித்தொழிலாளி முனியப்பன்(38). இவருக்கு 3 குழந்தைகள் உள்ளனர்.

முனியப்பன் குடிப்பழக்கத்தில் இருந்து வந்த நிலையில், அடிக்கடி வயிற்றுவலி ஏற்பட்டுள்ளது. இதனால் பல்வேறு மருத்துவமனைகளில் சிகிச்சை பெற்று வந்துள்ளார்.

ஆனால் சிகிச்சை பெற்றும் வயிற்று வலி குணமடையாததால் நேற்று காலை கீழ்த்தூரை பகுதியிலுள்ள புளியந்தோப்பில் தூக்கு போட்டு தற்கொலை செய்து கொண்டுள்ளார்.

இதையடுத்து இந்த சம்பவம் குறித்து தகவல் அறிந்து வந்த காவல்துறையினர் முனியப்பனின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.

இதைத்தொடர்ந்து இந்த சம்பவம் குறித்து வழக்குப் பதிவு செய்து சிங்காரப்பேட்டை காவல்துறையினர் விசாரணை மேற்கொண்டு வருகின்றனர்.

Man commits suicide by hanging in Krishnagiri