மன்னார்குடி பட்டாசு ஆலை வெடி விபத்து! நிவாரணம் அறிவித்த தமிழக முதல்வர்.!

மன்னார்குடி அருகே பட்டாசு ஆலை வெடி விபத்தில் உயிரிழந்த சதீஷ்குமாரின் குடும்பத்திற்கு ரூ. 3 லட்சம் நிவாரணம் வழங்க முதலமைச்சர் மு.க. ஸ்டாலின் உத்தரவிட்டுள்ளார்.

இது குறித்து முதலமைச்சர் வெளியிட்டுள்ள செய்தி குறிப்பில், திருவாரூர் மன்னார்குடி பகுதியில் இயங்கி வந்த தனியாருக்கு சொந்தமான பட்டாசு ஆலையில் நேற்று பிற்பகல் 1:45 மணி அளவில் திடீரென வெடி விபத்து ஏற்பட்டது.

இந்த விபத்தில் சதீஷ்குமார் (வயது 34) என்பவர் பலத்த காயங்களுடன் மீட்கப்பட்டு சிகிச்சை பலனின்றி பரிதாபமாக உயிரிழந்து விட்டார். இந்த செய்தியை கேட்டு மிகுந்த வருத்தமும் வேதனையும் அடைந்தேன்.