உலகப் புகழ் பெற்ற இசையமைப்பாளர் ஏ.ஆர். ரஹ்மான் மற்றும் அவரது மனைவி சாய்ரா பானு, **29 ஆண்டுகால திருமண வாழ்க்கை முடிவுக்கு வந்ததாக அதிகாரப்பூர்வமாக அறிவித்துள்ளனர்.** 1995 மார்ச் மாதம் திருமணமான இந்த ஜோடி, தங்களது வாழ்க்கையில் பல உயரங்களையும் சவால்களையும் சந்தித்தனர்.  

சாய்ரா பானு தனது பிரிவுக்கான காரணத்தை விளக்கிக் கூறியுள்ளார்:  எங்கள் உறவுக்குள் ஏற்பட்ட உணர்ச்சிப்பூர்வ அழுத்தங்களால், மிகவும் வலியுடன் இந்த முடிவை எடுத்தேன். இந்த நேரத்தில் எங்களுக்கு தனிமை அளிக்க மக்களிடம் அன்புடன் வேண்டுகோள் விடுக்கிறேன். 

மனைவியின் அறிவிப்புக்குப் பிறகு ஏ.ஆர். ரஹ்மான் தனது **எக்ஸ்** பக்கத்தில் உருக்கமான பதிவொன்றை பகிர்ந்துள்ளார். அதில்,  நாங்கள் 30 ஆண்டுகளை நிறைவு செய்வோம் என நம்பினோம். ஆனால், எல்லாமே கண்ணுக்கு தெரியாத முடிவாக அமைந்துவிட்டது. உடைந்த இதயங்களின் கனத்தில் கடவுளின் சிம்மாசனமும் நடுங்க கூடும்," என்று பதிவிட்டுள்ளார்.  

இந்த செய்தி, உலகம் முழுவதும் உள்ள ஏ.ஆர். ரஹ்மானின் ரசிகர்களிடையே பெரும் அதிர்ச்சியை ஏற்படுத்தியுள்ளது. வழக்கறிஞர்களின் ஆலோசனைக்கு பின் இந்த முடிவை எடுத்ததாக கூறப்படுகிறது. இவர்களுக்கு கதிஜா, ரஹிமா என்ற இரு மகள்கள் மற்றும் அமீன் என்ற மகன் உள்ளனர்.  

இந்த ஆண்டு திரையுலக மற்றும் விளையாட்டு பிரபலங்கள் திருமண பிரிவு குறித்து தொடர்ச்சியாக அறிவித்திருப்பது கவலைக்குறியாக உள்ளது. ஏற்கனவே இசையமைப்பாளர் ஜிவி பிரகாஷ் மற்றும் நடிகர் ஜெயம் ரவி இவர்களின் பிரிவு அறிவிப்பு ரசிகர்களிடையே அதிர்ச்சியை ஏற்படுத்தியது.  

சாய்ரா பானு மற்றும் ஏ.ஆர். ரஹ்மான் தம்பதியர் எடுத்துள்ள இந்த முடிவு, திருமண உறவுகளில் ஏற்படும் சிக்கல்களையும் அவற்றை சமாளிக்க முடியாத தருணங்களையும் வெளிப்படுத்துகிறது.