மினிவேன் மோதி விவசாயி உயிரிழப்பு.!

திருவள்ளூர் மாவட்டத்தில் நூல் பண்டல்களை ஏற்றி வந்த மினிவேன் மோதியதில் விவசாயி உயிரிழந்துள்ளார்.

திருவள்ளூர் மாவட்டம் குமாரராஜூப்பேட்டை பகுதியை சேர்ந்தவர் விவசாயி சேகர்(53). இவர் நேற்று காலை வயல்வெளிக்கு செல்வதற்காக பள்ளிப்பட்டு-சோளிங்கர் சாலை அருகே நடந்து சென்று கொண்டிருந்தார்.

அப்பொழுது கரூரில் இருந்து நூல் பண்டல்களை ஏற்றிக்கொண்டு வந்த மினிவேன் ஒன்று எதிர்பாராத விதமாக நடந்து சென்று கொண்டிருந்த சேகர் மீது மோதியது.

இதில் படுகாயமடைந்த சேகர் சம்பவ இடத்திலேயே பரிதாபமாக உயிரிழந்துள்ளார். இதையடுத்து இந்த சம்பவம் குறித்து தகவல் அறிந்து வந்த பள்ளிப்பட்டு காவல்துறையினர், சேகரின் உடலை மீட்டு பிரேத பரிசோதனைக்காக திருத்தணி அரசு மருத்துவமனைக்கு அனுப்பி வைத்தனர்.