ஆம்னி பேருந்துகள் வேலைநிறுத்தம்: பேச்சுவார்த்தை நடத்தும் தமிழக அரசு!

தென் மாநில ஆம்னி பேருந்து உரிமையாளர்கள் சங்கம் வேலை நிறுத்தத்தை அறிவித்துள்ள நிலையில் இன்று தமிழக அரசு அவர்களுடன் பேச்சுவார்த்தை நடத்துகிறது.

தவறு எதுவும் செய்யாமல் இயங்கி வந்த 120 ஆம்னி பேருந்துகளை அதிக கட்டணம் வசூலித்ததாக சிறைபிடித்ததற்கு எதிர்ப்பு தெரிவிக்கும் வகையில் வேலை நிறுத்த அறிவிப்பை தென் மாநில ஆம்னி பேருந்து சங்க கூட்டமைப்பு அறிவித்திருந்தது.

அந்த வகையில் ஆம்னி பேருந்துகள் இன்று மாலை 6 மணி முதல் இயங்காது என அறிவிக்கப்பட்டிருந்தது. இதனால் தமிழக அரசு பேச்சுவார்த்தை நடத்த அழைப்பு விடுத்துள்ளது.