புதுக்கோட்டை ஜாபர் சாதிக்., 850 பவுன் தங்க நகை.! வீட்டின் பூட்டை உடைத்து கொள்ளை.! அதிரவைத்த சம்பவம்.!

புதுக்கோட்டையில் ஜாபர் சாதிக் என்பவரின் வீட்டில் 850 பவுன் தங்க நகைகள் கொள்ளை போய் விட்டதாக புகார் எழுந்துள்ளது.

புதுக்கோட்டை மாவட்டம், கோபாலபட்டினம் பகுதியை சேர்ந்தவர் ஜாபர் சாதிக், இவர் தனது குடும்பத்துடன் வெளிநாட்டில் வசித்து வருகிறார்.

இதன்காரணமாக இவருக்கு சொந்தமான கோபாலபட்டினம் வீடு அண்மைக்காலமாக பூட்டி கடந்து உள்ளது.

இந்த நிலையில், இன்று காலை அவரின் வீடு பூட்டு உடைந்து கிடப்பதை பார்த்த அருகிலுள்ள குடியிருப்புவாசிகள், உள்ளே சென்று பார்த்த போது, வீட்டில் உள்ள பொருள்கள் சிதறிக்கிடந்தது.

இதனையடுத்து ஜாபர் சாதிக்-ன் உறவினர் ஒருவர், காவல் நிலையத்தில் அளித்த புகாரில், "வீட்டில் 850 பவுன் தங்க நகைகள் இருந்ததாகவும், அந்த நகைகள் அனைத்தும் கொள்ளை போய் விட்டதாகவும்" புகார் அளித்துள்ளார்.

இதுகுறித்து போலீசார் வழக்கு பதிந்து விசாரணை மேற்கொண்டு வருகின்றனர். உண்மையிலேயே ஜாபர் சாதிக் இல்லத்தில் 850 பவுன் தங்க நகைகள் தான் காணாமல் போனதா? என்பது குறித்தும் விசாரணை மேற்கொண்டு வருகின்றனர்.