மருத்துவ படிப்புகளுக்கான தரவரிசை! சாதனை படைத்த அரசு பள்ளி மாணவர்கள்!

மருத்துவ படிப்புகளுக்கான தரவரிசை பட்டியலை அமைச்சர் மா சுப்பிரமணியன் இன்று வெளியிட்டுள்ளார்

தமிழகத்தில் மருத்துவ படிப்புக்கு 9800 இடங்கள் உள்ளன. பிடிஎஸ் படிப்புக்கு 2050 இடங்கள் உள்ளன. இதில் தரவரிசை பட்டியலின் படி, நாமக்கல்லை சேர்ந்த மாணவர் ரஜனீஷ் முதலிடம் பிடித்துள்ளார்.

சென்னையை சேர்ந்த சையது ஆரிஃபின் இரண்டாவது இடமும், சைலஜா மூன்றாவது இடத்தையும் பிடித்துள்ளனர்.

கடந்த ஆண்டை விட 150 மாணவர்களுக்கு கூடுதலாக இடம் கிடைத்துள்ளது. வெளிப்படை தன்மையோடு பணியாற்றி இந்த தரவரிசை பட்டியலை வெளியிட்டுள்ளதாக அமைச்சர் தெரிவித்துள்ளார்.

இந்த தரவரிசை பட்டியலில் முதன்மை பெற்ற 10 மாணவர்களுக்கு அரசு ஒதுக்கீட்டில் இட ஒதுக்கீடு செய்யப்பட்டுள்ளதாகவும் அமைச்சர் தெரிவித்துள்ளார்.

சென்னை சைதாப்பேட்டை அரசு பள்ளி மாணவர்கள் இரண்டு பேர், தமிழக அரசின் 7.5 சதவீத இட ஒதுக்கீட்டில் முதல் இரண்டு இடங்களை பிடித்துள்ளனர்.