14 வயது மகளுக்கு பாலியல் தொல்லை கொடுத்த தந்தை தற்கொலை.! பக்கத்துவீட்டு வாலிபர் கைது...!!

விருதுநகர் மாவட்டத்தில் மகளுக்கு பாலியல் தொந்தரவு கொடுத்த தந்தை தற்கொலை செய்துகொண்டார் மற்றும் பக்கத்து வீட்டை சேர்ந்த வாலிபர் ஒருவர் போக்சோவில் கைது செய்யப்பட்டுள்ளார்.

விருதுநகர் அருகே உள்ள பகுதியை சேர்ந்தவர் 14 வயது சிறுமி. இவர் அதே பகுதியில் உள்ள பள்ளியில் ஒன்பதாம் வகுப்பு படித்து வருகிறார். இந்நிலையில் சிறுமிக்கு உடல்நிலை சரியில்லாததால், இவரது தாய் சிகிச்சைக்காக விருதுநகர் அரசு மருத்துவமனைக்கு அழைத்துச் சென்றார். அப்பொழுது சிறுமிக்கு தந்தை பாலியல் தொந்தரவு கொடுத்தது தெரியவந்தது. இதைத்தொடர்ந்து சிறுமியின் தாய் இது குறித்து மகளிர் காவல் நிலையத்தில் புகார் கொடுத்தார்.

இந்நிலையில், இதையறிந்த சிறுமியின் தந்தை விஷம் குடித்து தற்கொலை செய்து கொண்டுள்ளார். மேலும் பாதிக்கப்பட்ட சிறுமியை காப்பகத்திற்கு அனுப்பி விசாரித்ததில், பக்கத்து வீட்டை சேர்ந்த மூர்த்தி (22) என்ற வாலிபரும் சிறுமிக்கு பாலியல் தொந்தரவு கொடுத்தது தெரியவந்தது. இதைத்தொடர்ந்து இது குறித்து வழக்கு பதிவு செய்த போலீசார், போக்சோ சட்டத்தின் கீழ் மூர்த்தியை கைது செய்து விசாரணை மேற்கொண்டு வருகின்றனர்.