கனமழையால் வால்பாறை தாலுக்கா பள்ளிகளுக்கு இன்று விடுமுறை - மாவட்ட ஆட்சியர் அறிவிப்பு.!

மத்திய மேற்கு வங்கக் கடல் மற்றும் அதனை ஒட்டியுள்ள ஆந்திர மாநில கடலோர பகுதிகளில் மேல் வளிமண்டல மேலடுக்கு சுழற்சி நிலவுகிறது. அதுமட்டுமல்லாமல் மேற்கு திசை காற்றில் வேறுபாடும் நிலவுகிறது.

இதனால், தமிழகம், புதுச்சேரி மற்றும் காரைக்கால் பகுதிகளில் இடி மின்னலுடன் கூடிய லேசானது முதல் கனமழை பெய்து வருகிறது. அதிலும் குறிப்பாக தமிழகத்தில் நீலகிரி மற்றும் கோவை மாவட்டத்தில் உள்ள மலைப்பகுதியில் கனமழை முதல் மிக கனமழை வரை பெய்து வருகிறது.

இந்த நிலையில், நேற்று இரவு முதல் கோயம்புத்தூர் மாவட்டத்தில் கனமழைக்கு கொட்டித் தீர்த்துள்ளது. அதிலும் குறிப்பாக வால்பாறைத் தாலுகாவில் இரவு முதல் மழை விடாது பெய்து வருகிறது.

இதன் காரணமாக வால்பாறைத் தாலுகாவில் உள்ள பள்ளிகளுக்கு மற்றும் இன்று விடுமுறை அளிக்கப்படுகிறது என்று மாவட்ட ஆட்சியர் அறிவித்துள்ளார்.