தேர்தல் வியூக நிறுவனத்திடம் ரகசிய பேச்சுவார்த்தை நடத்திய விஜய்..!

தமிழ் சினிமாவின் முன்னணி நடிகர் விஜய் தமிழக வெற்றிக் கழகம் என்ற பெயரில் காட்சியைத் தொடங்கி அதன் முதல் மாநாட்டை கடந்த மாதம் 27-ந் தேதி விழுப்புரம் மாவட்டம் விக்கரவாண்டி வி சாலையில் வெற்றிக் கொள்கை திருவிழா என்ற பெயரில் பிரமாண்டமாக நடத்தினார்.

இந்த மாநாட்டில் லட்சக்கணக்கான தொண்டர்கள் பங்கேற்றதுடன் மாநாட்டு மேடையில் விஜய் தனது முதல் அரசியல் பேச்சை அதிரடியாக பேசி அரங்கத்தையே அதிர வைத்தார். மேலும் அவர் பேச்சு, ஒட்டுமொத்த தமிழகத்தையும் திரும்பி பார்க்கும் வகையில் அமைந்தது.

இந்த பரபரப்பு அடங்குவதற்குள் தவெக தலைவர் விஜய் கடந்த 3-ந் தேதி அன்று சென்னை பனையூரில் உள்ள கட்சி தலைமை அலுவலகத்தில் மாவட்ட செயலாளர்கள் மற்றும் நிர்வாகிகளுடன் ஆலோசனை நடத்தினார்.

இதைத் தொடர்ந்து விஜய் தனது 69-வது படத்தின் படப்பிடிப்பில் பங்கேற்று நடித்து வருகிறார். இந்த நிலையில் தவெக தலைவர் விஜய் லயோலா கல்லூரி முன்னாள் மாணவர்கள் தலைமையில் இயங்கும் தேர்தல் வியூக நிறுவனத்திடம் ரகசிய பேச்சுவார்த்தை நடத்தியதாக தகவல் வெளியாகியுள்ளது.