விபத்தில் சிக்கிய டிடிஎஃப் வாசன் - போலீசார் விசாரணை.!
youtuber ttf vasan injured accident in kanchipuram
விபத்தில் சிக்கிய டிடிஎஃப் வாசன் - போலீசார் விசாரணை.!
சமூக வலைத்தமான யூடூயூப் மூலம் பிரபலமானவர் டிடிஎஃப் வாசன். யூடியூபில் பிரபல டிராவல் விளாகராக வலம் வரும் கோவையைச் சேர்ந்த இவருக்கு லட்ச கணக்கான சப்ஸ்க்ரைபர்கள் உள்ளனர். இவரது பின்தொடர்பவர்களில் பெரும்பாலானோர் இளம் தலைமுறையினர்.
இவர்களை வாசன் கடந்த ஆண்டு தனது பிறந்தநாள் விழாவில் சந்தித்தார். இந்த நிலையில், இவர் சுஸுகி ஹயபுசா வகை பைக்கில் சென்னை- பெங்களூரு செல்லும் தேசிய நெடுஞ்சாலையில் காஞ்சிபுரம் பாலுசெட்டி சத்திரம் அருகே சென்றுகொண்டிருந்த நிலையில், சாகசம் செய்ய முயன்றபோது சாலையோர பள்ளத்தில் விழுந்தார்.
இந்த விபத்தில் படுகாயமடைந்த வாசன் சிகிச்சைக்காக காஞ்சிபுரம் மீனாட்சி மருத்துவமனையில் அனுமதிக்கப்பட்டுள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது.
இந்த விபத்துத் தொடர்பாக போலீசார் தெரிவிக்கையில், காவல்துறை பலமுறை எச்சரித்தும் விதிகளை மீறி வீலிங் செய்ததால் விபத்து நேர்ந்துள்ளது என்றுள்ளனர். இதைத்தொடர்ந்து போலீசார் விபத்துக்குள்ளான வாகனத்தை கைப்பற்றி விசாரணை நடத்தி வருகின்றனர்.
English Summary
youtuber ttf vasan injured accident in kanchipuram