தீபாவளி பண்டிகையைக் கொண்டாடும் மகிழ்ச்சியான காலத்தில், நம்மை குறிவைக்கும் மோசடிகளிலிருந்து பாதுகாப்பாக இருக்க வேண்டியது மிகவும் முக்கியம். குறிப்பாக, ஆன்லைன் பட்டாசு விற்பனை மற்றும் பொய்யான தள்ளுபடி விளம்பரங்கள் மூலமாக மோசடிகாரர்கள் ஏமாற்ற முறைகளை தீவிரமாக செயல்படுத்தி வருகிறார்கள்.

2024 இல் அதிகரித்துள்ள ஆன்லைன் மோசடிகள்:

சமீபத்திய தரவுகளின்படி, செப்டம்பர் மற்றும் அக்டோபர் மாதங்களில் தேசிய சைபர்கிரைம் ரிப்போர்ட்டிங் போர்ட்டலில் 17க்கும் மேற்பட்ட ஆன்லைன் விற்பனை தொடர்பான மோசடி புகார்கள் பதிவு செய்யப்பட்டுள்ளன. குறிப்பாக, சமூக ஊடகங்களில் குறைந்த விலையில் பட்டாசு விற்பனை எனக் கூறி, போலியான விளம்பரங்கள் மூலம் மக்களை ஏமாற்றுவது அதிகரித்து வருகிறது.

மோசடிகள் எப்படி செயல்படுகின்றனர்:

1. பொய்யான இணையதளங்கள் : www.kannancrackers.in, www.sunrisecrackers.com போன்ற தளங்கள் நம்பகமானதாகத் தோன்றினாலும், இவை மக்களின் பணத்தை மோசடிக்காகக் கவர்ந்து கொள்ளும் தளங்களாக இருக்கின்றன.

2. கம்மி விலையில் பட்டாசுகள் : "சலுகை" என்ற பெயரில் குறைந்த விலையில் பட்டாசுகளை வாங்குமாறு கவர்ந்திழுத்து, ஆர்டர் செய்த பிறகு பொருட்கள் அனுப்பப்படவில்லை. 

3. தனிப்பட்ட நிதி தகவல் திருடல் : விற்பனையில் ஈடுபட்டவர்களின் அடையாளம் மற்றும் நிதி தகவல்களை திருடி, இதனைப் பயன்படுத்தி மேலும் பல குற்றங்களை செய்யும் வாய்ப்பு உள்ளது.

இந்த மோசடிகளைத் தவிர்ப்பது எப்படி?

நம்பகமான விற்பனையாளர்களை மட்டும் தேர்வு செய்யுங்கள் : ஆன்லைன் விற்பனையாளர் நம்பகத்தன்மையை சரிபார்க்க, அவர்களின் உண்மையான முகவரிகள், தொடர்பு எண்கள் சரியானவையா என்பதை உறுதி செய்ய வேண்டும்.

மிக குறைந்த விலை சலுகைகள்: "குறைந்த விலை" அல்லது "வரையறுக்கப்பட்ட நேர சலுகை" போன்ற விளம்பரங்கள் மோசடியின் அறிகுறிகள் ஆக இருக்கலாம். இந்த வகை விளம்பரங்களில் மிகுந்த எச்சரிக்கையுடன் இருங்கள்.

பாதுகாப்பான இணையதளங்கள்: https (பாதுகாப்பான இணைப்பு) கொண்ட தளங்களில் மட்டுமே பொருட்களை வாங்குங்கள். 

ஏமாற்றம் அடைந்தால் என்ன செய்யலாம்?

சைபர் கிரைம் தால்பேசி எண் : 1930 என்ற இலவச எண் மூலம் உடனடியாக புகார் அளிக்கலாம்.

புகார் இணையதளம்: www.cybercrime.gov.in என்ற அரசாங்கத்தின் அதிகாரப்பூர்வ தளத்தில் உங்கள் புகார்களை பதிவு செய்யலாம்.

இந்த தீபாவளியில், ஒளியும் மகிழ்ச்சியும் கொண்டாடுவதோடு, பாதுகாப்பையும் கவனத்தில் கொள்வது அவசியம்!