#வங்காளதேசம் || கன்டெய்னர் கிடங்கில் பயங்கர தீ விபத்து.! உயிரிழந்தோரின் எண்ணிக்கை 50 ஆக உயர்வு.!

வங்காளதேசத்தில் கன்டெய்னர் கிடங்கில் ஏற்பட்ட பயங்கர தீ விபத்தில் பலியானவர்களின் எண்ணிக்கை 50ஆக உயர்ந்துள்ளது.

வங்காளதேசம் சிதகுண்டாவில் உள்ள கன்டெய்னர் கிடங்கில் திடீரென்று பயங்கர தீ விபத்து ஏற்பட்டுள்ளது. மேலும் கன்டெய்னர் கிடங்கில் உள்ள ரசாயன பெட்டகங்களில் பற்றிய தீ அனைத்து பக்கமும் பரவி கொழுந்துவிட்டு எரிய தொடங்கியது.

இந்த சம்பவம் குறித்து தகவல் அறிந்து வந்த காவல்துறையினர் மற்றும் தீயணைப்பு வீரர்கள் தீயை அணைக்கும் பணியில் ஈடுபட்டனர்.

இந்த விபத்தில் தீயில் சிக்கியவர்களை மீட்க சென்ற 5 தீயணைப்பு வீரர்கள் உட்பட 50க்கும் மேற்பட்டவர்கள் உடல் கருகி உயிரிழந்துள்ளனர்.

மேலும் 400-க்கும் அதிகமானோர் காயங்களுடன் மீட்கப்பட்ட நிலையில் சிகிச்சைக்காக மருத்துவமனையில் அனுமதிக்கப்பட்டுள்ளனர். மேலும் இந்த விபத்துக்கான காரணம் குறித்து விசாரணை மேற்கொண்டு வருகின்றனர்.